ਦਰੱਖਤ ਨਾਲ ਟਕਰਾਈ ਬੋਲੈਰੋ, ਤਿੰਨ ਗੰਭੀਰ ਜ਼ਖ਼ਮੀ
ਆਗਰਾ, 20 ਮਾਰਚ : ਉੱਤਰ ਪ੍ਰਦੇਸ਼ ਦੇ ਆਗਰਾ ਵਿਚ ਵੀਰਵਾਰ ਰਾਤ ਇੱਕ ਦਰਦਨਾਕ ਹਾਦਸਾ ਵਾਪਰਿਆ, ਜਿੱਥੇ ਸ਼ਰਧਾਲੂਆਂ ਨਾਲ ਭਰੀ ਇੱਕ ਬੋਲੈਰੋ ਕਾਰ ਚਿੱਤਰਹਾਟ ਪੁਲਿਸ ਸਟੇਸ਼ਨ ਖੇਤਰ ਵਿੱਚ ਬੇਕਾਬੂ ਹੋ ਕੇ ਦਰੱਖਤ ਨਾਲ ਜਾ ਟਕਰਾਈ। ਇਸ ਹਾਦਸੇ ਵਿੱਚ ਇੱਕੋ ਪਰਿਵਾਰ ਦੇ ਪੰਜ ਮੈਂਬਰਾਂ—ਕਾਂਤਾ ਪ੍ਰਸਾਦ (70), ਉਨ੍ਹਾਂ ਦੇ ਪੁੱਤਰ ਦੇਵੇਂਦਰ (35), ਨੂੰਹ ਸੀਮਾ (30), ਪੋਤੀ ਆਰਾਧਿਆ (3) ਅਤੇ ਕਾਰ ਚਲਾ ਰਹੇ ਪੋਤੇ ਰਿਸ਼ੀ (20) ਦੀ ਮੌਤ ਹੋ ਗਈ।
ਇਹ ਪਰਿਵਾਰ ਨਵਰਾਤਰੀ ਦੇ ਪਹਿਲੇ ਦਿਨ ਇਟਾਵਾ ਤੋਂ ਰਾਜਸਥਾਨ ਦੇ ਕੈਲਾਦੇਵੀ ਮੰਦਿਰ ਵਿੱਚ ਮੱਥਾ ਟੇਕ ਕੇ ਦੇਰ ਰਾਤ ਵਾਪਸ ਪਰਤ ਰਿਹਾ ਸੀ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਕਾਰ ਦਾ ਅਗਲਾ ਹਿੱਸਾ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ ਅਤੇ ਪਿੰਡ ਵਾਸੀਆਂ ਨੂੰ ਖਿੜਕੀਆਂ ਤੋੜ ਕੇ ਲੋਕਾਂ ਨੂੰ ਬਾਹਰ ਕੱਢਣਾ ਪਿਆ।
ਹਾਦਸੇ ਵਿੱਚ ਦੇਵੇਂਦਰ ਦਾ ਪੁੱਤਰ ਆਦਿਤਿਆ, ਰਿਸ਼ੀ ਦੀ ਪਤਨੀ ਰਸ਼ਮੀ ਅਤੇ ਅਵਨੀਸ਼ ਗੰਭੀਰ ਜ਼ਖ਼ਮੀ ਹੋਏ ਹਨ, ਜਿਨ੍ਹਾਂ ਨੂੰ ਮੁੱਢਲੀ ਸਹਾਇਤਾ ਤੋਂ ਬਾਅਦ ਸੈਫਈ ਮੈਡੀਕਲ ਕਾਲਜ ਰੈਫਰ ਕਰ ਦਿੱਤਾ ਗਿਆ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
Read More : ਕਰਾਚੀ ਵਿਚ ਕੁਦਰਤੀ ਕਹਿਰ: ਭਾਰੀ ਮੀਂਹ ਅਤੇ ਤੂਫ਼ਾਨ ਕਾਰਨ 19 ਲੋਕਾਂ ਦੀ ਮੌਤ