ਅੰਬਾਲਾ/ਚੰਡੀਗੜ੍ਹ, 4 ਮਈ : ਗਰਮੀਆਂ ਦੇ ਮੌਸਮ ਵਿਚ ਯਾਤਰੀਆਂ ਦੀ ਵਧਦੀ ਭੀੜ ਨੂੰ ਦੇਖਦੇ ਹੋਏ ਅੰਬਾਲਾ ਰੇਲਵੇ ਡਿਵੀਜ਼ਨ ਨੇ ਵਿਸ਼ੇਸ਼ ਰੇਲਗੱਡੀਆਂ ਦੇ ਫੇਰਿਆਂ ਵਿਚ ਵਾਧਾ ਕਰਨ ਦਾ ਫੈਸਲਾ ਕੀਤਾ ਹੈ। ਇਸ ਫੈਸਲੇ ਨਾਲ ਉੱਤਰ ਪ੍ਰਦੇਸ਼, ਬਿਹਾਰ ਅਤੇ ਝਾਰਖੰਡ ਜਾਣ ਵਾਲੇ ਯਾਤਰੀਆਂ ਨੂੰ ਵੱਡੀ ਰਾਹਤ ਮਿਲੇਗੀ, ਕਿਉਂਕਿ ਇਹ ਟ੍ਰੇਨਾਂ ਹੁਣ ਜੁਲਾਈ ਦੇ ਅੱਧ ਤੱਕ ਆਪਣੀਆਂ ਸੇਵਾਵਾਂ ਜਾਰੀ ਰੱਖਣਗੀਆਂ।
ਚੰਡੀਗੜ੍ਹ-ਪਟਨਾ ਸਪੈਸ਼ਲ (04511-12)
ਚੰਡੀਗੜ੍ਹ ਅਤੇ ਪਟਨਾ ਵਿਚਕਾਰ ਚੱਲਣ ਵਾਲੀ ਇਹ ਰੇਲਗੱਡੀ ਹੁਣ 10 ਜੁਲਾਈ ਤੱਕ ਚੱਲੇਗੀ। ਰੇਲਗੱਡੀ ਨੰਬਰ 04511 ਹਰ ਵੀਰਵਾਰ ਰਾਤ 11:35 ਵਜੇ ਚੰਡੀਗੜ੍ਹ ਤੋਂ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਰਾਤ 9:15 ਵਜੇ ਪਟਨਾ ਪਹੁੰਚੇਗੀ। ਵਾਪਸੀ ਵਿੱਚ ਰੇਲਗੱਡੀ ਨੰਬਰ 04512 ਪਟਨਾ ਤੋਂ ਹਰ ਸ਼ੁੱਕਰਵਾਰ ਰਾਤ 11:15 ਵਜੇ ਰਵਾਨਾ ਹੋਵੇਗੀ। ਇਹ ਰੇਲਗੱਡੀ ਅੰਬਾਲਾ ਕੈਂਟ, ਸਹਾਰਨਪੁਰ, ਮੁਰਾਦਾਬਾਦ, ਬਰੇਲੀ, ਗੋਰਖਪੁਰ ਅਤੇ ਹਾਜੀਪੁਰ ਵਰਗੇ ਮੁੱਖ ਸਟੇਸ਼ਨਾਂ ਤੋਂ ਹੋ ਕੇ ਗੁਜ਼ਰੇਗੀ।
ਅੰਬਾਲਾ-ਮਊ ਸਪੈਸ਼ਲ (05301-02)
ਅੰਬਾਲਾ ਅਤੇ ਮਊ ਵਿਚਕਾਰ ਚੱਲਣ ਵਾਲੀ ਇਹ ਟ੍ਰੇਨ 17 ਜੁਲਾਈ ਤੱਕ ਚੱਲੇਗੀ। ਰੇਲਗੱਡੀ ਨੰਬਰ 05302 ਹਰ ਸ਼ੁੱਕਰਵਾਰ ਸਵੇਰੇ 1:40 ਵਜੇ ਅੰਬਾਲਾ ਤੋਂ ਰਵਾਨਾ ਹੋਵੇਗੀ। ਵਾਪਸੀ ਵਿੱਚ ਟ੍ਰੇਨ ਨੰਬਰ 05301 ਹਰ ਵੀਰਵਾਰ ਸਵੇਰੇ 4:00 ਵਜੇ ਮਊ ਤੋਂ ਰਵਾਨਾ ਹੋ ਕੇ ਅਗਲੇ ਦਿਨ ਅੰਬਾਲਾ ਪਹੁੰਚੇਗੀ। ਇਹ ਗੱਡੀ ਪਾਣੀਪਤ, ਸੋਨੀਪਤ, ਦਿੱਲੀ ਅਤੇ ਗਾਜ਼ੀਆਬਾਦ ਰਾਹੀਂ ਆਪਣਾ ਸਫ਼ਰ ਤੈਅ ਕਰੇਗੀ।
ਧਨਬਾਦ-ਚੰਡੀਗੜ੍ਹ ਸਪੈਸ਼ਲ (03311-12)
ਧਨਬਾਦ ਤੋਂ ਚੰਡੀਗੜ੍ਹ ਲਈ ਚੱਲਣ ਵਾਲੀ ਟ੍ਰੇਨ 14 ਜੁਲਾਈ ਤੱਕ ਹਰ ਮੰਗਲਵਾਰ ਅਤੇ ਸ਼ੁੱਕਰਵਾਰ ਰਾਤ 11:50 ਵਜੇ ਰਵਾਨਾ ਹੋਵੇਗੀ। ਵਾਪਸੀ ਯਾਤਰਾ ‘ਤੇ ਇਹ ਟ੍ਰੇਨ 16 ਜੁਲਾਈ ਤੱਕ ਹਰ ਐਤਵਾਰ ਅਤੇ ਵੀਰਵਾਰ ਸਵੇਰੇ 6:00 ਵਜੇ ਚੰਡੀਗੜ੍ਹ ਤੋਂ ਰਵਾਨਾ ਹੋਵੇਗੀ। ਇਹ ਟ੍ਰੇਨ ਲਗਭਗ 1431 ਕਿਲੋਮੀਟਰ ਦਾ ਸਫ਼ਰ 28 ਘੰਟੇ 40 ਮਿੰਟ ਵਿੱਚ ਪੂਰਾ ਕਰੇਗੀ।
ਰੇਲਵੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਗਰਮੀਆਂ ਦੀਆਂ ਛੁੱਟੀਆਂ ਦੌਰਾਨ ਸਟੇਸ਼ਨਾਂ ‘ਤੇ ਹੋਣ ਵਾਲੀ ਭੀੜ ਨੂੰ ਘੱਟ ਕਰਨ ਅਤੇ ਯਾਤਰੀਆਂ ਨੂੰ ਸੀਟਾਂ ਦੀ ਉਪਲਬਧਤਾ ਯਕੀਨੀ ਬਣਾਉਣ ਲਈ ਇਨ੍ਹਾਂ ਟ੍ਰੇਨਾਂ ਦੀ ਬਾਰੰਬਾਰਤਾ ਵਧਾਈ ਗਈ ਹੈ।
Read More : ਸਰਕਾਰ ਰਹਿਣ ਤੱਕ ਔਰਤਾਂ ਨੂੰ ਸਨਮਾਨ ਰਾਸ਼ੀ ਅਤੇ ਮੁਫ਼ਤ ਬਿਜਲੀ ਮਿਲਦੀ ਰਹੇਗੀ : ਭਗਵੰਤ ਮਾਨ