ਦਸੂਹਾ, 25 ਨਵੰਬਰ : ਦਸੂਹਾ-ਮਿਆਣੀ ਸੜਕ ’ਤੇ ਵਾਪਰੇ ਇਕ ਹਾਦਸੇ ਦੌਰਾਨ ਦੋ ਔਰਤਾਂ ਦੀ ਮੌਤ ਅਤੇ 5 ਹੋਰ ਜ਼ਖਮੀ ਹੋ ਗਏ।
ਜਾਣਕਾਰੀ ਅਨੁਸਾਰ ਇਕ ਕਾਰ ਸਵਾਰ ਪਰਿਵਾਰ ਪਿੰਡ ਬਸੋਆ ਨਜ਼ਦੀਕ ਇਕ ਪੈਲੇਸ ਵਿਚੋਂ ਵਿਆਹ ’ਚ ਸ਼ਾਮਲ ਹੋ ਕੇ ਸ਼ਾਮ ਸਮੇਂ ਵਾਪਸ ਪਿੰਡ ਉਸਮਾ ਸ਼ਹੀਦ ਆ ਰਿਹਾ ਸੀ। ਅਚਾਨਕ ਕਾਰ ਦਾ ਬੈਲੈਂਸ ਵਿਗੜਣ ਕਰ ਕੇ ਕਾਰ ਦਰੱਖਤ ਨਾਲ ਜਾ ਟਕਰਾਈ। ਜਿਸ ਦੇ ਸਿੱਟੇ ਵਿਚੋਂ ਕਾਰ ਸਵਾਰ ਰਜਿੰਦਰ ਕੌਰ ਪਤਨੀ ਚੰਦਨ ਮਨੀ ਅਤੇ ਗੁਰਪ੍ਰੀਤ ਕੌਰ ਪਤਨੀ ਅਸ਼ਵਨੀ ਕੁਮਾਰ ਦੀ ਮੌਤ ਹੋ ਗਈ। ਜਦਕਿ ਅਸ਼ਵਨੀ ਕੁਮਾਰ ਪੁੱਤਰ ਗੁਰਦਿਆਲ ਸਿੰਘ, ਗੁਰਦਿਆਲ ਸਿੰਘ ਪੁੱਤਰ ਅਮੀਰ ਚੰਦ, ਕੁਲਦੀਪ ਕੁਮਾਰ ਪੁੱਤਰ ਗੁਰਦਿਆਲ ਸਿੰਘ, ਇਕ ਬੱਚਾ ਆਰੀਅਨ ਉਮਰ 5 ਸਾਲ ਪੁੱਤਰ ਚੰਦਰ ਮਨੀ, ਮੰਨਤ ਪੁੱਤਰੀ ਚੰਦਰ ਮਨੀ ਜ਼ਖਮੀ ਹੋ ਗਏ।
ਜਿਨ੍ਹਾਂ ਨੂੰ ਲੋਕਾਂ ਦੀ ਮਦਦ ਨਾਲ ਸਿਵਲ ਹਸਪਤਾਲ ਦਸੂਹਾ ਵਿਖੇ ਦਾਖਲ ਕਰਵਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਜ਼ਖਮੀਆਂ ਦਾ ਇਲਾਜ ਸ਼ੁਰੂ ਕਰ ਦਿੱਤਾ। ਪੁਲਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
Read More : ਕਰਨਾਲ ’ਚ ਵਿਆਹ ਵਾਲੇ ਘਰ ’ਚ ਡਾਕਾ, ਲਾੜੇ ਨੂੰ ਮਾਰੀ ਗੋਲੀ