ਆਸਟ੍ਰੇਲੀਆ ਨੂੰ 5 ਵਿਕਟਾਂ ਨਾਲ ਹਰਾ ਕੇ ਰਚਿਆ ਇਤਿਹਾਸ
ਮੁੰਬਈ, 30 ਅਕਤੂਬਰ : ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ‘ਚ ਮਹਿਲਾ ਵਨਡੇ ਵਿਸ਼ਵ ਕੱਪ 2025 ਦਾ ਦੂਜਾ ਸੈਮੀਫਾਈਨਲ ਮੇਜ਼ਬਾਨ ਭਾਰਤ ਅਤੇ 7 ਵਾਰ ਦੇ ਚੈਂਪੀਅਨ ਆਸਟ੍ਰੇਲੀਆ ਵਿਚਕਾਰ ਖੇਡਿਆ ਗਿਆ, ਜਿਸ ਵਿਚ ਭਾਰਤ ਨੇ ਆਸਟ੍ਰੇਲੀਆ ਨੂੰ ਪੰਜ ਵਿਕਟਾਂ ਨਾਲ ਹਰਾ ਕੇ ਇਤਿਹਾਸ ਰਚ ਦਿੱਤਾ।
ਭਾਰਤ ਨੇ ਵਿਸ਼ਵ ਕੱਪ ਦਾ ਸਭ ਤੋਂ ਸਫਲ ਦੌੜ ਦਾ ਪਿੱਛਾ ਪੂਰਾ ਕੀਤਾ। ਇਸ ਕੋਸ਼ਿਸ਼ ਵਿੱਚ ਜੇਮੀਮਾ ਰੌਡਰਿਗਜ਼ ਅਤੇ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ।
ਆਸਟ੍ਰੇਲੀਆ ਦੇ 339 ਦੌੜਾਂ ਦੇ ਜਵਾਬ ਵਿੱਚ ਭਾਰਤ ਨੇ 48.3 ਓਵਰਾਂ ਵਿੱਚ 341 ਦੌੜਾਂ ਬਣਾਈਆਂ। ਜੇਮੀਮਾ ਨੇ ਅਜੇਤੂ 127 ਦੌੜਾਂ ਬਣਾਈਆਂ। ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਵੀ 89 ਦੌੜਾਂ ਬਣਾਈਆਂ। ਦੀਪਤੀ (24) ਅਤੇ ਰਿਚਾ ਘੋਸ਼ (26) ਨੇ ਛੋਟੀਆਂ ਪਾਰੀਆਂ ਖੇਡ ਕੇ ਭਾਰਤ ਨੂੰ ਜਿੱਤ ਦਿਵਾਈ।
ਇਸ ਤੋਂ ਪਹਿਲਾਂ ਫੋਬੀ ਲਿਚਫੀਲਡ (119), ਐਲਿਸ ਪੈਰੀ (77) ਅਤੇ ਐਸ਼ਲੇ ਗਾਰਡਨਰ (63) ਦੀਆਂ ਸ਼ਾਨਦਾਰ ਪਾਰੀਆਂ ਦੀ ਬਦੌਲਤ,ਆਸਟ੍ਰੇਲੀਆ ਨੇ ਆਈਸੀਸੀ ਮਹਿਲਾ ਵਨਡੇ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਵਿੱਚ ਭਾਰਤ ਨੂੰ 339 ਦੌੜਾਂ ਦਾ ਟੀਚਾ ਦਿੱਤਾ। ਆਸਟ੍ਰੇਲੀਆ 49.5 ਓਵਰਾਂ ਵਿੱਚ 338 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ।
2 ਨੂੰ ਇੱਕ ਨਵੇਂ ਚੈਂਪੀਅਨ ਦੇ ਜਨਮ ਦਾ ਦਿਨ ਹੋਵੇਗਾ
ਭਾਰਤ ਤੀਜੀ ਵਾਰ ਵਿਸ਼ਵ ਕੱਪ ਫਾਈਨਲ ਵਿਚ ਪਹੁੰਚਿਆ ਹੈ। ਉਹ 2 ਨਵੰਬਰ ਨੂੰ ਖਿਤਾਬੀ ਮੈਚ ਵਿੱਚ ਦੱਖਣੀ ਅਫਰੀਕਾ ਦਾ ਸਾਹਮਣਾ ਕਰੇਗਾ। ਇਹ ਦਿਨ ਵਿਸ਼ਵ ਕੱਪ ਇਤਿਹਾਸ ਵਿਚ ਇੱਕ ਨਵੇਂ ਚੈਂਪੀਅਨ ਦੇ ਜਨਮ ਦਾ ਦਿਨ ਹੋਵੇਗਾ। ਜਿੱਤ ਤੋਂ ਬਾਅਦ ਜੇਮਿਮਾ ਅਤੇ ਹਰਮਨ ਭਾਵੁਕ ਹੋ ਗਏ, ਦੋਵਾਂ ਦੇ ਹੰਝੂ ਵਹਿ ਗਏ।
Read More : ਸ਼੍ਰੇਅਸ ਅਈਅਰ ਨੇ ਆਪਣੀ ਸੱਟ ਬਾਰੇ ਦਿੱਤੀ ਅਪਡੇਟ