ਹੁਣ ਤੱਕ ਭਾਰਤ ਨੇ ਈਰਾਨ ਤੋਂ 2003 ਭਾਰਤੀਆਂ ਨੂੰ ਵਾਪਸ ਲਿਆਦਾ
ਨਵੀਂ ਦਿੱਲੀ, 24 ਜੂਨ : ਈਰਾਨ ਅਤੇ ਇਜ਼ਰਾਈਲ ਵਿਚਾਲੇ ਵਧਦੇ ਤਣਾਅ ਵਿਚਕਾਰ ਭਾਰਤ ਵੱਲੋਂ ‘ਆਪ੍ਰੇਸ਼ਨ ਸਿੰਧੂ’ ਤਹਿਤ ਆਪਣੇ ਨਾਗਰਿਕਾਂ ਨੂੰ ਸੁਰੱਖਿਅਤ ਵਾਪਸ ਲਿਆਦਾ ਜਾ ਰਿਹਾ ਹੈ। ਇਸ ਦੌਰਾਨ ਭਾਰਤ ਨੇ ‘ਆਪ੍ਰੇਸ਼ਨ ਸਿੰਧੂ’ਤਹਿਤ ਦੇਰ ਰਾਤ ਈਰਾਨ ਤੋਂ 290 ਭਾਰਤੀ ਨਾਗਰਿਕਾਂ ਅਤੇ ਇਕ ਸ਼੍ਰੀਲੰਕਾਈ ਨਾਗਰਿਕ ਨੂੰ ਕੱਢਿਆ। ਇਸ ਸਮੇਂ ਭਾਰਤ ਹੁਣ ਤੱਕ ਈਰਾਨ ਤੋਂ 2003 ਭਾਰਤੀਆਂ ਨੂੰ ਵਾਪਸ ਲਿਆਇਆ ਹੈ।
ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਣਧੀਰ ਜੈਸਵਾਲ ਨੇ ਇਕ ਸੋਸ਼ਲ ਮੀਡੀਆ ਪੋਸਟ ਵਿਚ ਕਿਹਾ ਕਿ 290 ਭਾਰਤੀ ਨਾਗਰਿਕਾਂ ਅਤੇ ਇਕ ਸ਼੍ਰੀਲੰਕਾਈ ਨੂੰ ਮਸ਼ਹਦ ਤੋਂ ਕੱਢਿਆ ਗਿਆ ਸੀ ਅਤੇ ਉਹ ਸਾਰੇ ਸੋਮਵਾਰ ਸ਼ਾਮ 7.15 ਵਜੇ ਇਕ ਵਿਸ਼ੇਸ਼ ਉਡਾਣ ਰਾਹੀਂ ਨਵੀਂ ਦਿੱਲੀ ਪਹੁੰਚੇ।
ਭਾਰਤ ਦੇ ਨਿਕਾਸੀ ਅਭਿਆਨ ‘ਆਪ੍ਰੇਸ਼ਨ ਸਿੰਧੂ’ ਤਹਿਤ ਇਜ਼ਰਾਈਲ ਤੋਂ ਜਾਰਡਨ ਦੀ ਰਾਜਧਾਨੀ ਕੱਢੇ ਗਏ ਕੁੱਲ 161 ਭਾਰਤੀ ਵੀ ਅੰਮਾਨ ਤੋਂ ਇਕ ਵਿਸ਼ੇਸ਼ ਉਡਾਣ ਰਾਹੀਂ ਨਵੀਂ ਦਿੱਲੀ ਪਹੁੰਚ ਰਹੇ ਹਨ।
Read More : ਪਾਕਿਸਤਾਨ ਤੋਂ ਮੰਗਵਾਈ 4 ਕਿਲੋ 916 ਗ੍ਰਾਮ ਹੈਰੋਇਨ ਬਰਾਮਦ