ਇਕ ਦੀ ਲਾਸ਼ ਬਰਾਮਦ, ਬਚਾਅ ਕਾਰਜ ਜਾਰੀ
ਕੁੱਲੂ, 4 ਸਤੰਬਰ : ਵੀਰਵਾਰ ਸਵੇਰੇ 6 ਵਜੇ ਦੇ ਕਰੀਬ ਹਿਮਾਚਲ ਪ੍ਰਦੇਸ਼ ਦੇ ਜ਼ਿਲਾ ਕੁੱਲੂ ਵਿਚ ਅਖਾੜਾ ਬਾਜ਼ਾਰ ਵਿਚ 2 ਘਰਾਂ ‘ਤੇ ਜ਼ਮੀਨ ਖਿਸਕ ਗਈ, ਜਿਸ ਵਿਚ ਅੱਧ ਦਰਜਨ ਤੋਂ ਵੱਧ ਲੋਕ ਦੱਬੇ ਹੋਏ ਹਨ।
ਸੂਚਨਾ ਮਿਲਦੇ ਹੀ ਐੱਨ.ਡੀ.ਆਰ.ਐੱਫ. ਦੀ ਟੀਮ ਨੇ ਮੌਕੇ ‘ਤੇ ਪਹੁੰਚ ਕੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤਾ। ਇਕ ਲਾਸ਼ ਬਰਾਮਦ ਕਰ ਲਈ ਹੈ, ਜਿਸਦੀ ਪਛਾਣ ਕੰਗਨ ਸ੍ਰੀਨਗਰ ਵਾਸੀ ਮਹਾਰਾਜ ਵਜੋਂ ਹੋਈ ਹੈ। ਜਦੋਂ ਕਿ ਤਿੰਨ ਜ਼ਖਮੀਆਂ ਨੂੰ ਬਚਾਇਆ ਗਿਆ ਹੈ ਅਤੇ ਕੁੱਲੂ ਦੇ ਖੇਤਰੀ ਹਸਪਤਾਲ ਭੇਜ ਦਿੱਤਾ ਗਿਆ ਹੈ। ਕੁੱਲੂ ਸਦਰ ਦੇ ਵਿਧਾਇਕ ਸੁੰਦਰ ਸਿੰਘ ਠਾਕੁਰ ਵੀ ਮੌਕੇ ‘ਤੇ ਪਹੁੰਚ ਗਏ ਹਨ। ਹੋਰ ਲੋਕਾਂ ਨੂੰ ਕੱਢਣ ਲਈ ਬਚਾਅ ਕਾਰਜ ਜਾਰੀ ਹੈ।
ਉਨ੍ਹਾਂ ਦੇ ਨਾਲ ਰਹਿ ਰਹੇ ਅਬਦੁਲ ਨੇ ਦੱਸਿਆ ਕਿ ਤਿੰਨ ਕਮਰਿਆਂ ਵਿਚ ਸੱਤ ਲੋਕ ਰਹਿ ਰਹੇ ਸੀ। ਇਕ ਵਿਅਕਤੀ ਨੇ ਛਾਲ ਮਾਰ ਕੇ ਆਪਣੀ ਜਾਨ ਬਚਾਈ। ਇਕ ਦੀ ਲਾਸ਼ ਬਰਾਮਦ ਕਰ ਲਈ ਹੈ, ਜਦੋਂ ਕਿ ਪੰਜ ਲੋਕ ਅਜੇ ਵੀ ਦੱਬੇ ਹੋਏ ਹਨ, ਜਿਨ੍ਹਾਂ ਦਾ ਬਚਾਅ ਜਾਰੀ ਹੈ। ਇਹ ਸਾਰੇ ਲੋਕ ਜੰਮੂ-ਕਸ਼ਮੀਰ ਦੇ ਦੱਸੇ ਜਾ ਰਹੇ ਹਨ। ਲਗਾਤਾਰ ਮੀਂਹ ਕਾਰਨ ਬਚਾਅ ਕਾਰਜਾਂ ਵਿਚ ਮੁਸ਼ਕਲ ਆ ਰਹੀ ਹੈ। ਮੌਕੇ ‘ਤੇ ਭਾਰੀ ਪੁਲਿਸ ਫੋਰਸ ਤਾਇਨਾਤ ਹੈ। ਡਿਪਟੀ ਕਮਿਸ਼ਨਰ ਕੁੱਲੂ ਟੋਰੂ ਐਸ ਰਵੀਸ਼, ਐਸਡੀਐਮ ਕੁੱਲੂ ਨਿਸ਼ਾਂਤ ਠਾਕੁਰ ਮੌਕੇ ‘ਤੇ ਪਹੁੰਚੇ।
Read More : ਮੁੜ ਕਹਿਰਵਾਨ ਹੋਇਆ ਰਾਵੀ ਦਾ ਪਾਣੀ, ਡੁੱਬੇ ਘਰ ਅਤੇ ਖੇਤ