ਬਿਲਡਰ ਨੂੰ ਹਨੀਟਰੈਪ ਵਿਚ ਫਸਾਉਣ ਅਤੇ ਕਰੋੜਾਂ ਕਰੋੜਾਂ ਰੁਪਏ ਦੀ ਮੰਗ ਕਰਨ ਦਾ ਦੋਸ਼
ਸੂਰਤ, 19 ਜੂਨ : ਹਨੀਟਰੈਪਿੰਗ ਅਤੇ ਜਬਰੀ ਵਸੂਲੀ ਦਾ ਕਰਨ ਦੋਸ਼ ’ਚ ਸੂਰਤ ਪੁਲਿਸ ਨੇ 10 ਮਹੀਨਿਆਂ ਤੋਂ ਫਰਾਰ ਇਕ ਸੋਸ਼ਲ ਮੀਡੀਆ ਇਨਫ਼ਲੂਐਂਸਰ ਕੀਰਤੀ ਪਟੇਲ ਨੂੰ ਅਹਿਮਦਾਬਾਦ ’ਚ ਗ੍ਰਿਫ਼ਤਾਰ ਕੀਤਾ ਹੈ।
ਪੁਲਿਸ ਨੇ ਕਿਹਾ ਕਿ ਕੀਰਤੀ ਪਟੇਲ, ਜਿਸਦੇ ਇੰਸਟਾਗ੍ਰਾਮ ’ਤੇ 1.3 ਮਿਲੀਅਨ ਫਾਲੋਅਰਜ਼ ਹਨ, ਵਿਰੁੱਧ ਪਿਛਲੇ ਸਾਲ 2 ਜੂਨ ਨੂੰ ਸੂਰਤ ਵਿਚ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਬਾਅਦ ’ਚ ਇਕ ਅਦਾਲਤ ਨੇ ਉਸ ਵਿਰੁੱਧ ਵਾਰੰਟ ਜਾਰੀ ਕੀਤਾ ਸੀ।
ਅਧਿਕਾਰੀ ਨੇ ਕਿਹਾ ਕਿ ਪਟੇਲ ’ਤੇ ਸੂਰਤ ਵਿਚ ਇਕ ਬਿਲਡਰ ਨੂੰ ਹਨੀਟਰੈਪ ’ਚ ਫਸਾਉਣ ਅਤੇ ਫਿਰ ਉਸਨੂੰ ਬਲੈਕਮੇਲ ਕਰਨ ਅਤੇ ਕਰੋੜਾਂ ਰੁਪਏ ਦੀ ਮੰਗ ਕਰਨ ਦਾ ਦੋਸ਼ ਹੈ। ਐੱਫ਼. ਆਈ. ਆਰ. ’ਚ ਚਾਰ ਹੋਰਾਂ ਦੇ ਨਾਮ ਵੀ ਹਨ ਅਤੇ ਉਨ੍ਹਾਂ ਨੂੰ ਪਹਿਲਾਂ ਹੀ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਭਾਵਕ ਦਾ ਨਾਮ ਜ਼ਮੀਨ ਹੜੱਪਣ ਅਤੇ ਜਬਰੀ ਵਸੂਲੀ ਦੀਆਂ ਹੋਰ ਸ਼ਿਕਾਇਤਾਂ ਵਿਚ ਵੀ ਸ਼ਾਮਲ ਹੈ।
ਸੂਰਤ ਦੀ ਇਕ ਅਦਾਲਤ ਵੱਲੋਂ ਜਾਰੀ ਕੀਤੇ ਗਏ ਵਾਰੰਟ ਦੇ ਬਾਵਜੂਦ ਪਟੇਲ ਸ਼ਹਿਰ ਬਦਲ ਕੇ ਅਤੇ ਆਪਣੇ ਫੋਨ ’ਤੇ ਵੱਖ-ਵੱਖ ਸਿਮ ਕਾਰਡਾਂ ਦੀ ਵਰਤੋਂ ਕਰ ਕੇ ਪੁਲਿਸ ਤੋਂ ਬਚਣ ਵਿਚ ਕਾਮਯਾਬ ਰਹੀ। ਉਸਨੂੰ ਅਹਿਮਦਾਬਾਦ ਦੇ ਸਰਖੇਜ ਇਲਾਕੇ ’ਚ ਲੱਭ ਲਿਆ ਅਤੇ ਸੂਰਤ ਪੁਲਿਸ ਨੇ ਬੀਤ ਦਿਨ ਉਸਨੂੰ ਗ੍ਰਿਫ਼ਤਾਰ ਕਰਨ ਲਈ ਸ਼ਹਿਰ ਦੀ ਪੁਲਿਸ ਦੀ ਮਦਦ ਲਈ।
ਡਿਪਟੀ ਕਮਿਸ਼ਨਰ ਆਫ਼ ਪੁਲਿਸ ਆਲੋਕ ਕੁਮਾਰ ਨੇ ਕਿਹਾ ਕਿ ਅਸੀਂ 10 ਮਹੀਨਿਆਂ ਤੋਂ ਕੀਰਤੀ ਪਟੇਲ ਨੂੰ ਟਰੈਕ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸੀ। ਆਪਣੀ ਤਕਨੀਕੀ ਟੀਮ ਅਤੇ ਸਾਈਬਰ ਮਾਹਿਰਾਂ ਦੀ ਮਦਦ ਨਾਲ ਅਸੀਂ ਅਹਿਮਦਾਬਾਦ ਦੇ ਸਰਖੇਜ ਤੱਕ ਉਸਦੀ ਲੋਕੇਸ਼ਨ ਟਰੈਕ ਕੀਤੀ। ਅਸੀਂ ਅਹਿਮਦਾਬਾਦ ’ਚ ਆਪਣੇ ਹਮਰੁਤਬਾ ਨਾਲ ਸੰਪਰਕ ਕੀਤਾ ਅਤੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ। ਉਸ ’ਤੇ ਹਨੀਟਰੈਪਿੰਗ ਅਤੇ ਜਬਰੀ ਵਸੂਲੀ ਦਾ ਦੋਸ਼ ਹੈ, ਇਨ੍ਹਾਂ 10 ਮਹੀਨਿਆਂ ’ਚ ਗੁਜਰਾਤ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਉਸਦੀ ਲੋਕੇਸ਼ਨ ਲਗਾਤਾਰ ਬਦਲਦੀ ਰਹੀ।
Read More : ਹੁਕਮਨਾਮੇ ਤਹਿਤ ਪੰਜ ਮੈਂਬਰੀ ਭਰਤੀ ਕਮੇਟੀ ਨੇ ਪੌਦੇ ਲਗਾਉਣ ਦੀ ਕੀਤੀ ਸ਼ੁਰੂਆਤ