ਫਤਿਹਗੜ੍ਹ ਚੂੜੀਆਂ, 21 ਦਸੰਬਰ : ਫਤਿਹਗੜ੍ਹ ਚੂੜੀਆਂ ’ਚ ਨੈੱਟ ਪਲੱਸ ਕੰਪਨੀ ਦੇ ਡੀਲਰ ਦੀ ਕਰੰਟ ਲੱਗਣ ਨਾਲ ਮੌਤ ਹੋ ਗਈ, ਜਿਸ ਦੀ ਪਛਾਣ ਹੈਪੀ ਜੋਨ ਹੰਸ ਪੁੱਤਰ ਯੂਸਫ ਹੰਸ ਵਾਸੀ ਫ਼ਤਿਹਗੜ੍ਹ ਚੂੜੀਆਂ ਵਜੋਂ ਹੋਈ ਹੈ।
ਇਸ ਸਬੰਧੀ ਮ੍ਰਿਤਕ ਦੇ ਪਿਤਾ ਡਾ. ਯੂਸਫ ਹੰਸ ਅਤੇ ਹੈਰੀ ਮਸੀਹ ਨੇ ਦੱਸਿਆ ਕਿ ਹੈਪੀ ਹੰਸ ਅਜਨਾਲਾ ਰੋਡ ਫਤਿਹਗੜ੍ਹ ਚੂੜੀਆਂ ਵਿਖੇ ਵਾਈ-ਫਾਈ ਦੀ ਸ਼ਿਕਾਇਤ ਠੀਕ ਕਰਨ ਗਿਆ ਸੀ ਅਤੇ ਇਸ ਦੌਰਾਨ ਉਹ ਲੋਹੇ ਦੀ ਪੌੜੀ ’ਤੇ ਚੜ੍ਹ ਕੇ ਨੈੱਟ ਠੀਕ ਕਰ ਰਿਹਾ ਸੀ ਕਿ ਪੌੜੀ ਅਚਾਨਕ ਬਿਜਲੀ ਦੀਆਂ ਤਾਰਾਂ ਨਾਲ ਲੱਗ ਗਈ, ਜਿਸ ਨਾਲ ਉਹ ਹੇਠਾਂ ਡਿੱਗ ਪਿਆ। ਉਸਨੂੰ ਇਕ ਪਾਈਵੇਟ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਸ ਦੀ ਮੌਤ ਹੋ ਗਈ।
ਹਸਪਤਾਲ ਜਾ ਰਹੇ ਰਿਸ਼ਤੇਦਾਰ ਹਾਦਸੇ ਵਿਚ ਹੋਏ ਜ਼ਖਮੀ
ਦੂਜੇ ਪਾਸੇ ਇਹ ਵੀ ਪਤਾ ਲੱਗਾ ਹੈ ਕਿ ਮ੍ਰਿਤਕ ਜੋਨ ਹੈਪੀ ਹੰਸ ਦੀ ਮੌਤ ਦੀ ਖਬਰ ਸੁਣਦਿਆਂ ਹੀ ਰਿਸ਼ਤੇਦਾਰ ਪ੍ਰੇਮ ਮਸੀਹ ਅਤੇ ਉਸ ਦਾ ਬੇਟਾ ਸੋਨੂੰ ਮਸੀਹ ਵਾਸੀ ਫਤਿਹਗੜ੍ਹ ਚੂੜੀਆਂ ਅਜਨਾਲਾ ਰੋਡ ਮੋਟਰਸਾਈਕਲ ’ਤੇ ਹਸਪਤਾਲ ਜਾ ਰਹੇ ਸੀ ਕਿ ਅਚਾਨਕ ਇਕ ਕਾਰ ਨਾਲ ਟਕਰਾਅ ਗਏ। ਇਸ ਹਾਦਸੇ ’ਚ ਮੋਟਰਸਾਈਕਲ ਸਵਾਰ ਪ੍ਰੇਮ ਮਸੀਹ ਜ਼ਖਮੀ ਹੋ ਗਿਆ।
Read More : ਰੇਲ ਗੱਡੀ ਵਿਚ ਲੰਬੀ ਦੂਰੀ ਦੀ ਯਾਤਰਾ ਹੋਈ ਮਹਿੰਗੀ, ਰੇਲਵੇ ਨੇ ਵਧਾਇਆ ਕਿਰਾਇਆ