ਪੰਜਾਬ ਦੀ ਨੰਦਨੀ ਸ਼ਰਮਾ ਨੂੰ ਮਿਲਿਆ ਪਹਿਲੀ ਵਾਰ ਮੌਕਾ; 14 ਜੂਨ ਨੂੰ ਪਾਕਿਸਤਾਨ ਨਾਲ ਹੋਵੇਗਾ ਪਹਿਲਾ ਮੁਕਾਬਲਾ
ਨਵੀਂ ਦਿੱਲੀ, 2 ਮਈ : ਬੀ.ਸੀ.ਸੀ.ਆਈ. (BCCI) ਨੇ ਇੰਗਲੈਂਡ ਵਿੱਚ ਹੋਣ ਵਾਲੇ ਆਗਾਮੀ ਮਹਿਲਾ ਟੀ-20 ਵਰਲਡ ਕੱਪ ਲਈ ਭਾਰਤੀ ਟੀਮ ਦੇ ਨਾਵਾਂ ਦਾ ਰਸਮੀ ਐਲਾਨ ਕਰ ਦਿੱਤਾ ਹੈ। ਪਿਛਲੇ ਸਾਲ ਭਾਰਤ ਨੂੰ ਵਨਡੇ ਵਰਲਡ ਕੱਪ ਜਿਤਾਉਣ ਵਾਲੀ ਸਟਾਰ ਖਿਡਾਰਨ ਹਰਮਨਪ੍ਰੀਤ ਕੌਰ ‘ਤੇ ਭਰੋਸਾ ਜਤਾਉਂਦੇ ਹੋਏ ਮੁੜ ਟੀਮ ਦੀ ਕਮਾਨ ਸੌਂਪੀ ਗਈ ਹੈ, ਜਦਕਿ ਸਮ੍ਰਿਤੀ ਮੰਧਾਨਾ ਨੂੰ ਉਪ-ਕਪਤਾਨ (ਵਾਈਸ-ਕੈਪਟਨ) ਨਿਯੁਕਤ ਕੀਤਾ ਗਿਆ ਹੈ।
ਟੀਮ ਦੀ ਖ਼ਾਸੀਅਤ ਅਤੇ ਨਵੇਂ ਚਿਹਰੇ
ਸ਼ਨੀਵਾਰ ਨੂੰ ਐਲਾਨੀ ਗਈ ਇਸ 15-ਮੈਂਬਰੀ ਟੀਮ ਵਿੱਚ ਤਜ਼ਰਬੇ ਅਤੇ ਨੌਜਵਾਨ ਜੋਸ਼ ਦਾ ਸੁਮੇਲ ਦੇਖਣ ਨੂੰ ਮਿਲਿਆ ਹੈ। ਖਾਸ ਗੱਲ ਇਹ ਹੈ ਕਿ ਪਿਛਲੇ ਸਾਲ ਵਨਡੇ ਵਰਲਡ ਕੱਪ ਜਿੱਤਣ ਵਾਲੀ ਟੀਮ ਦੀਆਂ 11 ਖਿਡਾਰਨਾਂ ਆਪਣੀ ਜਗ੍ਹਾ ਬਰਕਰਾਰ ਰੱਖਣ ਵਿੱਚ ਕਾਮਯਾਬ ਰਹੀਆਂ ਹਨ। ਪੰਜਾਬ ਦੀ ਉਭਰਦੀ ਖਿਡਾਰਨ ਨੰਦਨੀ ਸ਼ਰਮਾ ਲਈ ਇਹ ਵੱਡੀ ਖ਼ਬਰ ਹੈ, ਕਿਉਂਕਿ ਉਨ੍ਹਾਂ ਨੂੰ ਪਹਿਲੀ ਵਾਰ ਵਰਲਡ ਕੱਪ ਵਰਗੇ ਵੱਡੇ ਮੰਚ ਲਈ ਭਾਰਤੀ ਟੀਮ ਵਿੱਚ ਚੁਣਿਆ ਗਿਆ ਹੈ।
ਖੇਡਾਂ ਦਾ ਸ਼ਡਿਊਲ
ਟੀ-20 ਵਰਲਡ ਕੱਪ ਦਾ ਆਗਾਜ਼ 12 ਜੂਨ ਤੋਂ ਇੰਗਲੈਂਡ ਦੀ ਸਰਜ਼ਮੀਂ ‘ਤੇ ਹੋਣ ਜਾ ਰਿਹਾ ਹੈ। ਭਾਰਤੀ ਟੀਮ ਆਪਣੇ ਅਭਿਆਨ ਦੀ ਸ਼ੁਰੂਆਤ 14 ਜੂਨ ਨੂੰ ਬਰਮਿੰਘਮ ਵਿਖੇ ਪਾਕਿਸਤਾਨ ਵਿਰੁੱਧ ਹੋਣ ਵਾਲੇ ਹਾਈ-ਵੋਲਟੇਜ ਮੁਕਾਬਲੇ ਨਾਲ ਕਰੇਗੀ।
ਵਰਲਡ ਕੱਪ ਲਈ ਚੁਣੀ ਗਈ ਭਾਰਤੀ ਟੀਮ:
ਹਰਮਨਪ੍ਰੀਤ ਕੌਰ (ਕਪਤਾਨ)
ਸਮ੍ਰਿਤੀ ਮੰਧਾਨਾ (ਉਪ-ਕਪਤਾਨ)
ਸ਼ੇਫਾਲੀ ਵਰਮਾ
ਜੇਮਿਮਾ ਰੋਡ੍ਰਿਗਜ਼
ਦੀਪਤੀ ਸ਼ਰਮਾ
ਰਿਚਾ ਘੋਸ਼ (ਵਿਕਟਕੀਪਰ)
ਭਾਰਤੀ ਫੁਲਮਾਲੀ
ਸ੍ਰੀ ਚਰਨੀ
ਯਸਤਿਕਾ ਭਾਟੀਆ
ਨੰਦਨੀ ਸ਼ਰਮਾ
ਅਰੁੰਧਤੀ ਰੈਡੀ
ਕ੍ਰਾਂਤੀ ਗੌੜ
ਰੇਣੁਕਾ ਸਿੰਘ ਠਾਕੁਰ
ਸ਼੍ਰੇਅੰਕਾ ਪਾਟਿਲ
ਰਾਧਾ ਯਾਦਵ
Read More : ਸੀ.ਆਈ.ਏ. ਮੋਗਾ, ਸਰਹਿੰਦ ਅਤੇ ਸ਼ੰਭੂ ਰੇਲਵੇ ਟਰੈਕ ਬਲਾਸਟ ਕੇਸਾਂ ਦੀ ਗੁੱਥੀ ਸੁਲਝੀ; ਮ੍ਰਿਤਕ ਜਗਰੂਪ ਦਾ ਸਾਥੀ ਗ੍ਰਿਫ਼ਤਾਰ