ਚੇਨਈ, 24 ਨਵੰਬਰ : ਤਾਮਿਲਨਾਡੂ ਦੇ ਦੱਖਣੀ ਟੇਂਕਾਸੀ ਜ਼ਿਲੇ ’ਚ 2 ਪ੍ਰਾਈਵੇਟ ਬੱਸਾਂ ਦੀ ਅਾਪਸ ’ਚ ਟੱਕਰ ਹੋਣ ਕਾਰਨ 8 ਵਿਅਕਤੀਆਂ ਦੀ ਮੌਤ ਹੋ ਗਈ ਤੇ 30 ਤੋਂ ਵੱਧ ਹੋਰ ਜ਼ਖਮੀ ਹੋ ਗਏ ਜਿਨ੍ਹਾਂ ’ਚੋਂ ਕੁਝ ਬੱਚੇ ਵੀ ਸਨ।
ਪੁਲਸ ਨੇ ਦੱਸਿਆ ਕਿ ਮ੍ਰਿਤਕਾਂ ’ਚ 5 ਔਰਤਾਂ ਵੀ ਹਨ। ਹਾਦਸਾ ਕਡਯਾਨੱਲੂਰ ਨੇੜੇ ਇਡਾਈਕਲ ਪਿੰਡ ’ਚ ਵਾਪਰਿਆ। ਬਚਾਅ ਟੀਮਾਂ ਨੂੰ ਬੱਸਾਂ ’ਚ ਫਸੇ ਲੋਕਾਂ ਨੂੰ ਬਚਾਉਣ ਲਈ ਸੰਘਰਸ਼ ਕਰਨਾ ਪਿਆ ਜੋ ਤੇਜ਼ ਰਫ਼ਤਾਰ ਕਾਰਨ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ ਸਨ।
ਸੂਚਨਾ ਮਿਲਣ ’ਤੇ ਪੁਲਸ, ਅੱਗ ਬੁਝਾਊ ਗੱਡੀਆਂ ਤੇ ਹੋਰ ਅਧਿਕਾਰੀ ਮੌਕੇ ’ਤੇ ਪਹੁੰਚੇ ਤੇ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਸਰਕਾਰੀ ਹਸਪਤਾਲ ਪਹੁੰਚਾਇਆ। ਸਥਾਨਕ ਲੋਕ ਵੀ ਬਚਾਅ ਕਾਰਜਾਂ ’ਚ ਸ਼ਾਮਲ ਹੋਏ।
Read More : ਕੁਝ ਪਾਰਟੀਆਂ ਮਨੁੱਖਤਾ ਨੂੰ ਵੰਡਣ ਦਾ ਕੰਮ ਕਰ ਰਹੀਆਂ : ਅਮਨ ਅਰੋੜਾ