ਲੁਧਿਆਣਾ ਤੋਂ ਫਿਰੋਜ਼ਪੁਰ ਆ ਰਹੀ ਰੇਲ ‘ਚੋਂ ਮਿਲੀ ਬੱਚੀ ‘ਮੋਨਿਕਾ’; ਸਖੀ ਵਨ ਸਟੋਪ ਸੈਂਟਰ ਵਿਖੇ ਹੈ ਸੁਰੱਖਿਅਤ
ਫਿਰੋਜ਼ਪੁਰ, 16 ਮਾਰਚ : ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਫਿਰੋਜ਼ਪੁਰ ਦੇ ਚੇਅਰਮੈਨ ਅਤੇ ਸੈਸ਼ਨ ਜੱਜ ਸੁਮਿਤ ਮਲਹੋਤਰਾ ਦੀਆਂ ਹਦਾਇਤਾਂ ‘ਤੇ ਸਕੱਤਰ ਮੈਡਮ ਅਨੁਰਾਧਾ (ਸੀ.ਜੇ.ਐੱਮ.) ਨੇ ਅੱਜ ਸਖੀ ਵਨ ਸਟੋਪ ਸੈਂਟਰ ਦਾ ਦੌਰਾ ਕੀਤਾ। ਇਸ ਦੌਰਾਨ ਇੱਕ ਅਜਿਹੀ ਮਾਸੂਮ ਬੱਚੀ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜੋ ਆਪਣੇ ਪਰਿਵਾਰ ਤੋਂ ਵਿੱਛੜ ਕੇ ਫਿਰੋਜ਼ਪੁਰ ਪਹੁੰਚ ਗਈ ਹੈ।
ਗਲਤੀ ਨਾਲ ਰੇਲਗੱਡੀ ‘ਚ ਚੜ੍ਹ ਕੇ ਪਹੁੰਚੀ ਫਿਰੋਜ਼ਪੁਰ
ਜਾਣਕਾਰੀ ਅਨੁਸਾਰ, ਲਗਭਗ 10 ਸਾਲਾਂ ਦੀ ਇਹ ਲੜਕੀ ਲੁਧਿਆਣਾ ਤੋਂ ਫਿਰੋਜ਼ਪੁਰ ਆ ਰਹੀ ਰੇਲਗੱਡੀ ਵਿੱਚ ਤਲਵੰਡੀ ਦੇ ਇੱਕ ਪਰਿਵਾਰ ਨੂੰ ਮਿਲੀ ਸੀ। ਬੱਚੀ ਨੇ ਦੱਸਿਆ ਕਿ ਉਹ ਗਲਤੀ ਨਾਲ ਰੇਲਗੱਡੀ ਵਿੱਚ ਚੜ੍ਹ ਗਈ ਸੀ। ਕਿਸੇ ਅਣਸੁਖਾਵੀਂ ਘਟਨਾ ਤੋਂ ਬਚਾਉਣ ਲਈ ਉਕਤ ਪਰਿਵਾਰ ਬੱਚੀ ਨੂੰ ਆਪਣੇ ਘਰ ਲੈ ਗਿਆ ਅਤੇ ਅਗਲੇ ਦਿਨ ਜ਼ਿੰਮੇਵਾਰੀ ਨਾਲ ਚਾਈਲਡ ਵੈਲਫੇਅਰ ਕਮੇਟੀ ਫਿਰੋਜ਼ਪੁਰ ਦੇ ਹਵਾਲੇ ਕਰ ਦਿੱਤਾ।
ਪਰਿਵਾਰ ਬਾਰੇ ਜਾਣਕਾਰੀ
ਬੱਚੀ ਨੇ ਆਪਣਾ ਨਾਮ ਮੋਨਿਕਾ ਦੱਸਿਆ ਹੈ। ਉਸ ਦੇ ਪਿਤਾ ਦਾ ਨਾਮ ਕੁਲਦੀਪ ਮੰਦਨ ਅਤੇ ਮਾਤਾ ਦਾ ਨਾਮ ਅਨੀਤਾ ਦੇਵੀ ਹੈ। ਬੱਚੀ ਦੀ ਗੱਲਬਾਤ ਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਉਹ ਉੱਤਰ ਪ੍ਰਦੇਸ਼ ਦੇ ਫੈਜ਼ਾਬਾਦ ਜਾਂ ਬਿਹਾਰ ਰਾਜ ਦੀ ਰਹਿਣ ਵਾਲੀ ਹੋ ਸਕਦੀ ਹੈ।
ਜਨਤਾ ਨੂੰ ਸਹਿਯੋਗ ਦੀ ਅਪੀਲ
ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਨੇ ਆਮ ਜਨਤਾ ਅਤੇ ਸੋਸ਼ਲ ਮੀਡੀਆ ਵਰਤੋਂਕਾਰਾਂ ਨੂੰ ਅਪੀਲ ਕੀਤੀ ਹੈ ਕਿ ਇਸ ਖਬਰ ਅਤੇ ਬੱਚੀ ਦੀ ਜਾਣਕਾਰੀ ਨੂੰ ਵੱਧ ਤੋਂ ਵੱਧ ਸਾਂਝਾ ਕੀਤਾ ਜਾਵੇ। ਮਕਸਦ ਇਹ ਹੈ ਕਿ ਮੋਨਿਕਾ ਦੀ ਜਾਣਕਾਰੀ ਉਸ ਦੇ ਪਰਿਵਾਰ ਤੱਕ ਪਹੁੰਚ ਸਕੇ ਅਤੇ ਉਹ ਜਲਦ ਤੋਂ ਜਲਦ ਆਪਣੇ ਮਾਪਿਆਂ ਨੂੰ ਮਿਲ ਸਕੇ।
Read More : ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿਚ ਵੱਡੀ ਗਿਰਾਵਟ; ਨਿਵੇਸ਼ਕਾਂ ਵਿਚ ਮਚੀ ਹਲਚਲ