ਸ੍ਰੀ ਆਨੰਦਪੁਰ ਸਾਹਿਬ , 24 ਨਵੰਬਰ : ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਹੈ ਕਿ ਪੰਜਾਬ ਆਪਣੇ ਹੱਕਾਂ ਤੋਂ ਨਹੀਂ ਹਟੇਗਾ ਅਤੇ ਨਾ ਹੀ ਆਪਣੇ ਹੱਕਾਂ ’ਤੇ ਅੱਖਾਂ ਬੰਦ ਕਰੇਗਾ, ਭਾਵੇਂ ਉਹ ਚੰਡੀਗੜ੍ਹ ਹੋਵੇ, ਪਾਣੀ ਦਾ ਮਸਲਾ ਹੋਵੇ, ਬੀ. ਬੀ. ਐੱਮ. ਬੀ. ਦਾ ਮਸਲਾ ਹੋਵੇ ਜਾਂ ਯੂਨੀਵਰਸਿਟੀ ਦਾ ਮਸਲਾ ਹੋਵੇ।
ਉਨ੍ਹਾਂ ਕਿਹਾ ਕਿ ਪੰਜਾਬ ਆਪਣੇ ਹੱਕ ਲੈਣਾ ਜਾਣਦਾ ਹੈ। ਪੰਜਾਬ ਨੇ ਆਜ਼ਾਦੀ ਪ੍ਰਾਪਤ ਕੀਤੀ ਸੀ ਅਤੇ ਅਜੇ ਵੀ ਇਸਦੀ ਰੱਖਿਆ ਲਈ ਖੜ੍ਹਾ ਹੈ।
ਅੱਜ ਸ੍ਰੀ ਆਨੰਦਪੁਰ ਸਾਹਿਬ ਵਿਖੇ ਬੁਲਾਏ ਗਏ ਪੰਜਾਬ ਵਿਧਾਨ ਸਭਾ ਦੇ ਵਿਸ਼ੇਸ਼ ਸੈਸ਼ਨ ਨੂੰ ਸੰਬੋਧਨ ਕਰਦਿਆਂ ਮੁੱਖ ਮੰਤਰੀ ਨੇ ਕਿਹਾ ਕਿ ਵਿਧਾਨ ਸਭਾ ਚੰਡੀਗੜ੍ਹ ਤੋਂ ਸ੍ਰੀ ਆਨੰਦਪੁਰ ਸਾਹਿਬ ਗੁਰੂ ਜੀ ਦੇ ਚਰਨਾਂ ਵਿਚ ਨਤਮਸਤਕ ਹੋਣ ਅਾਈ ਹੈ। ਮੁੱਖ ਮੰਤਰੀ ਨੇ ਅੱਗੇ ਕਿਹਾ ਕਿ ਸ਼ਹਾਦਤਾਂ ਅਜੇ ਵੀ ਚਲ ਰਹੀਅਾਂ ਹਨ। ਕਦੇ ਅਗਨੀਵੀਰ ਦੀ ਸ਼ਹਾਦਤ ਤੇ ਕਦੇ ਸਰਹੱਦ ’ਤੇ ਕੋਈ ਹੋਰ ਘਟਨਾ ।
ਉਨ੍ਹਾਂ ਕਿਹਾ ਕਿ ਜੇਕਰ ਪੰਜਾਬ ’ਤੇ ਬਾਹਰੋਂ ਕੋਈ ਹਮਲਾ ਹੁੰਦਾ ਹੈ, ਭਾਵੇਂ ਉਹ ਕੇਂਦਰ ਸਰਕਾਰ ਵੱਲੋਂ ਹੋਵੇ ਜਾਂ ਸਰਹੱਦ ਪਾਰੋਂ, ਅਜਿਹੀ ਸਥਿਤੀ ਵਿਚ ਸੂਬਾ ਪੂਰੀ ਤਰ੍ਹਾਂ ਇਕਜੁੱਟ ਹੋ ਜਾਂਦਾ ਹੈ।
Read More : ਪੁਲਿਸ ਅਤੇ ਗੈਂਗਸਟਰ ਵਿਚਾਲੇ ਮੁਕਾਬਲਾ