ਭਗਤਾਂਵਾਲਾ ਦਾਣਾ ਮੰਡੀ ਦੇ ਇਕ ਆੜ੍ਹਤੀ ਤੋਂ ਵਸੂਲ ਰਿਹਾ ਸੀ ਸੀਜ਼ਨ ਦੀ ਰਿਸ਼ਵਤ
ਅੰਮ੍ਰਿਤਸਰ, 29 ਨਵੰਬਰ : ਪੰਜਾਬ ਮੰਡੀ ਬੋਰਡ ਦੇ ਸਰਕਾਰੀ ਕਰਮਚਾਰੀ ਮੰਡੀ ਸੁਪਰਵਾਈਜ਼ਰ ਪਰਮਜੀਤ ਸਿੰਘ ਨੂੰ ਵਿਜੀਲੈਂਸ ਬਿਊਰੋ ਦੀ ਚੰਡੀਗੜ੍ਹ ਫਲਾਇੰਗ ਸਕੁਐਡ ਵੱਲੋਂ ਭਗਤਾਂਵਾਲਾ ਦਾਣਾ ਮੰਡੀ ’ਚ 7 ਹਜ਼ਾਰ ਰੁਪਏ ਦੀ ਰਿਸ਼ਵਤ ਲੈਂਦੇ ਹੋਏ ਰੰਗੇ ਹੱਥੀ ਗ੍ਰਿਫਤਾਰ ਕੀਤਾ ਹੈ ਅਤੇ ਉਸ ਦੇ ਨਾਲ ਇਕ ਹੋਰ ਕਰਮਚਾਰੀ ਵੀ ਫੜਿਆ ਗਿਆ ਹੈ।
ਜਾਣਕਾਰੀ ਅਨੁਸਾਰ ਪਰਮਜੀਤ ਭਗਤਾਂਵਾਲਾ ਦਾਣਾ ਮੰਡੀ ਵਿਚ ਆੜ੍ਹਤੀ ਤੋਂ ਝੋਨੇ ਦੇ ਸੀਜ਼ਨ ਦੀ ਵਧਾਈ ਮੰਗ ਰਿਹਾ ਸੀ ਪਰ ਆੜ੍ਹਤੀ ਨੇ ਵਧਾਈ ਦੇਣ ਦੀ ਬਜਾਏ ਵਿਜੀਲੈਂਸ ਬਿਊਰੋ ਚੰਡੀਗੜ੍ਹ ’ਚ ਸ਼ਿਕਾਇਤ ਕਰ ਦਿੱਤੀ ਅਤੇ ਜਿਵੇਂ ਹੀ ਪਰਮਜੀਤ ਮੰਡੀ ਦੇ ਆੜ੍ਹਤੀ ਤੋਂ ਰਿਸ਼ਵਤ ਲੈਣ ਲਈ ਆਇਆ ਤਾਂ ਪਹਿਲਾਂ ਹੀ ਟ੍ਰੈਪ ਲਾ ਕੇ ਬੈਠੀ ਫਲਾਇੰਗ ਸਕੁਐਡ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ।
ਇਕ ਹੋਰ ਕਰਮਚਾਰੀ ਪਰਮਜੀਤ ਦੇ ਨਾਲ ਆਇਆ ਸੀ, ਉਸ ਬਾਰੇ ਮੰਡੀ ਦੇ ਕਰਮਚਾਰੀਆਂ ਦਾ ਕਹਿਣਾ ਹੈ ਿਕ ਉਹ ਿਰਸ਼ਵਤ ਦੇ ਮਾਮਲੇ ਵਿਚ ਪਰਮਜੀਤ ਨਾਲ ਸ਼ਾਮਲ ਨਹੀਂ ਸੀ ਪਰ ਉਸ ਨੂੰ ਪਰਮਜੀਤ ਦੇ ਨਾਲ ਆਉਣਾ ਭਾਰੀ ਪੈ ਗਿਆ ਅਤੇ ਉਸ ਖਿਲਾਫ ਵੀ ਫਲਾਇੰਗ ਸਕੁਐਡ ਨੇ ਐੱਫ. ਆਈ. ਆਰ. ਵੀ ਦਰਜ ਕਰ ਦਿੱਤੀ ਹੈ।
ਇਸ ਮਾਮਲੇ ਦੇ ਸਾਹਮਣੇ ਆਉਣ ਤੋਂ ਬਾਅਦ ਮੰਡੀ ਬੋਰਡ ਦੇ ਕਰਮਚਾਰੀਆਂ ਦੀ ਵੀ ਪੋਲ ਖੁੱਲ੍ਹ ਗਈ ਹੈ ਜੋ ਆੜ੍ਹਤੀਆਂ ਤੋਂ ਆਪਣੇ ਸਰਕਾਰੀ ਸੇਵਾ ਕਰਨ ਦੇ ਬਦਲੇ ਿਵਚ ਰਿਸ਼ਵਤ ਦੀ ਮੰਗ ਕਰਦੇ ਹਨ।
Read More : ਖਨੌਰੀ ਦੇ ਲੋੜਵੰਦਾਂ ਦਾ ਪੱਕੇ ਮਕਾਨ ਵਾਲਾ ਸੁਪਨਾ ਹੋਇਆ ਸਾਕਾਰ