‘ਆਪ’ ਅੰਦਰਲੇ ਕਲੇਸ਼ ਵਿਚਾਲੇ ਰਾਘਵ ਦੀ ਚਿਤਾਵਨੀ- “ਕਹਾਣੀ ਅਜੇ ਸਾਹਮਣੇ ਆਉਣੀ ਬਾਕੀ ਹੈ”
ਚੰਡੀਗੜ੍ਹ/ਨਵੀਂ ਦਿੱਲੀ, 5 ਅਪ੍ਰੈਲ : ਆਮ ਆਦਮੀ ਪਾਰਟੀ (AAP) ਨਾਲ ਚੱਲ ਰਹੇ ਝਗੜੇ ਦੇ ਵਿਚਕਾਰ ਰਾਘਵ ਚੱਢਾ ਨੇ ਇਕ ਨਵੀਂ ਪੋਸਟ ਸਾਂਝੀ ਕੀਤੀ ਹੈ। ਇਸ ਵਿਚ ਉਸਨੇ ਲਿਖਿਆ ਕਿ “ਮੇਰੇ ਸਾਥੀਆਂ ਲਈ ਜੋ ਵੀਡੀਓ ਜਾਰੀ ਕਰਨ ਲਈ ਮਜਬੂਰ ਹਨ ਕਿ ਰਾਘਵ ਚੱਢਾ ਸੰਸਦ ਵਿਚ ਪੰਜਾਬ ਦੇ ਮੁੱਦੇ ਉਠਾਉਣ ਵਿਚ ਅਸਫਲ ਰਹੇ, ਉਨ੍ਹਾਂ ਲਈ ਇਕ ਛੋਟੀ ਜਿਹੀ ਝਲਕ। ਕਹਾਣੀ ਅਜੇ ਸਾਹਮਣੇ ਆਉਣੀ ਬਾਕੀ ਹੈ।”
ਚੱਢਾ ਨੇ ਅੱਗੇ ਲਿਖਿਆ, “ਪੰਜਾਬ ਮੇਰੇ ਲਈ ਸਿਰਫ਼ ਇੱਕ ਵਿਸ਼ਾ ਨਹੀਂ ਹੈ। ਇਹ ਮੇਰਾ ਘਰ ਹੈ, ਮੇਰਾ ਫਰਜ਼ ਹੈ, ਮੇਰੀ ਮਿੱਟੀ ਹੈ, ਮੇਰੀ ਆਤਮਾ ਹੈ।” ਰਾਘਵ ਨੇ ਇਸ ਪੋਸਟ ਦੇ ਨਾਲ ਇੱਕ ਵੀਡੀਓ ਵੀ ਜਾਰੀ ਕੀਤਾ, ਜਿਸ ਵਿੱਚ ਸੰਸਦ ਵਿੱਚ ਪੰਜਾਬ ਦੇ ਮੁੱਦੇ ਉਠਾਉਂਦੇ ਹੋਏ ਆਪਣੇ ਭਾਸ਼ਣ ਦਿਖਾਏ ਹਨ।
ਕੁਮਾਰ ਵਿਸ਼ਵਾਸ ਦੀ ਪੁਰਾਣੀ ਭਵਿੱਖਬਾਣੀ ਵਾਇਰਲ
ਇਸ ਦੌਰਾਨ ਮਸ਼ਹੂਰ ਕਵੀ ਕੁਮਾਰ ਵਿਸ਼ਵਾਸ ਦਾ ਇਕ ਪੁਰਾਣਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਉਹ ਕਹਿੰਦਾ ਹੈ ਕਿ ਰਾਘਵ ਚੱਢਾ ‘ਆਪ’ ਦਾ ਅਗਲਾ ਨਿਸ਼ਾਨਾ ਹੋਵੇਗਾ। ਉਸਨੇ ਇਕ ਹੀਰੋਇਨ ਨਾਲ ਵਿਆਹ ਕੀਤਾ ਸੀ ਅਤੇ ਰੀਲ ਦਿਖਾਈ ਦੇ ਰਹੇ ਹਨ। ਕੁਮਾਰ ਵਿਸ਼ਵਾਸ ਦਾ ਇਹ ਵੀਡੀਓ ਲਗਭਗ ਡੇਢ ਸਾਲ ਪੁਰਾਣਾ ਹੈ, ਜਿਸ ਵਿਚ ਉਹ ਇਕ ਪੋਡਕਾਸਟ ਦੌਰਾਨ ਬੋਲ ਰਹੇ ਹਨ।
ਕੁਮਾਰ ‘ਆਪ’ ਦੇ ਸੰਸਥਾਪਕ ਮੈਂਬਰਾਂ ਵਿਚੋਂ ਇਕ ਵੀ ਹਨ। ਦਿੱਲੀ ਵਿਚ ਸਰਕਾਰ ਬਣਾਉਣ ਤੋਂ ਬਾਅਦ ਉਨ੍ਹਾਂ ਦਾ ਅਰਵਿੰਦ ਕੇਜਰੀਵਾਲ ਅਤੇ ਉਨ੍ਹਾਂ ਦੀ ਟੀਮ ਨਾਲ ਝਗੜਾ ਹੋ ਗਿਆ, ਜਿਸ ਤੋਂ ਬਾਅਦ ਉਨ੍ਹਾਂ ‘ਆਪ’ ਛੱਡ ਦਿੱਤੀ ਸੀ।
Read More : ਮੁੱਖ ਮੰਤਰੀ ਮਾਨ ਦਾ ਵੱਡਾ ਐਲਾਨ: ਬਠਿੰਡਾ ਕੈਂਸਰ ਹਸਪਤਾਲ ਦੀ ਬਦਲੇਗੀ ਨੁਹਾਰ