ਮਰੀਜ਼ਾਂ ਦੀ ਗਿਣਤੀ 145 ਤੋਂ ਪਾਰ
ਪਟਿਆਲਾ, 12 ਜੁਲਾਈ : ਜ਼ਿਲਾ ਪਟਿਆਲਾ ਦੇ ਪਿੰਡ ਅਲੀਪੁਰ ਅਰਾਈਆਂ ’ਚ ਡਾਇਰੀਆ ਦਾ ਕਹਿਰ ਜਾਰੀ ਰਿਹਾ। ਅੱਜ ਵੀ ਡਾਇਰੀਆ ਦੇ ਤਿੰਨ ਨਵੇਂ ਕੇਸ ਮਿਲੇ ਹਨ, ਜਿਸ ਨਾਲ ਮਰੀਜ਼ਾਂ ਦੀ ਗਿਣਤੀ 145 ਤੋ ਪਾਰ ਹੋ ਗਈ ਹੈ।
ਹਾਲਾਂਕਿ ਸਿਹਤ ਵਿਭਾਗ ਵਲੋ ਦਾਅਵਾ ਕੀਤਾ ਗਿਆ ਹੈ ਕਿ 145 ਮਰੀਜਾਂ ਵਿਚੋ ਬਹੁਤੇ ਮਰੀਜ ਠੀਕ ਹੋ ਚੁਕੇ ਹਨ ਪਰ ਲਗਾਤਾਰ ਨਵੇ ਮਰੀਜਾਂ ਦਾ ਮਿਲਣਾ ਕੋਈ ਸੁਭ ਸਗੁਨ ਨਹੀ ਹੈ।
ਉਧਰੋ ਅੱਜ ਵੀ ਨਗਰ ਨਿਗਮ ਤੇ ਸਿਹਤ ਵਿਭਾਗ ਦੀਆਂ ਟੀਮਾਂ ਫੀਲਡ ਵਿਚ ਡਟੀਆਂ ਰਹੀਆਂ ਅਤੇ ਪਾਣੀ ਅਤੇ ਸੀਵਰੇਜ ਦੀ ਲਾਈਨਾਂ ਦੀ ਚੈਕਿੰਗ ਹੁੰਦੀ ਰਹੀ।
ਸਿਰਫ 45 ਘਰਾਂ ਦੇ ਕੁਨੈਕਸ਼ਨ ਰੈਗੂਲਰ
ਸਥਾਨਕ ਨਗਰ ਨਿਗਮ ਨੇ ਪੂਰੀ ਮੁਸਤੈਦੀ ਦਿਖਾਉਦਿਆਂ ਆਪਣੀ ਟੀਮਾਂ ਨੂੰ ਰਾਤ ਸਮੇਂ ਵੀ ਫੀਲਡ ਵਿਚ ਉਤਾਰ ਦਿੱਤਾ ਹੈ। ਨਗਰ ਲਿਗਮ ਦੀਆਂ ਟੀਮਾਂ ਰਾਤ ਨੂੰ ਪੀੜਤ ਇਲਾਕੇ ਵਿਚ ਮੇਨ ਹਾਲ ਚੈੱਕ ਕਰ ਰਹੀਆਂ ਹਨ ਅਤੇ ਨਾਜਾਇਜ ਕੁਨੈਕਸ਼ਨਾਂ ਨੂੰ ਕੱਟ ਰਹੀਆਂ ਹਨ।
ਨਿਗਮ ਦੇ ਅਧਿਕਾਰੀਆਂ ਅਨੁਸਾਰ ਇਸ ਇਲਾਕੇ ਵਿਚ ਇਕ ਹਜ਼ਾਰ ਦੇ ਕਰੀਬ ਘਰ ਹਨ ਤੇ ਸਿਰਫ 45 ਦੇ ਕਰੀਬ ਪਾਣੀ ਤੇ ਸੀਵਰੇਜ ਦੇ ਕੁਨੈਕਸ਼ਨ ਰੈਗੂਲਰ ਹਨ, ਜਦੋਂ ਕਿ ਬਾਕੀ ਸਾਰੇ ਨਾਜਾਇਜ਼ ਹਨ।
ਨਗਰ ਨਿਗਮ ਦੇ ਕਮਿਸ਼ਨਰ ਪਰਮਵੀਰ ਸਿੰਘ ਨੇ ਸਖਤੀ ਦਿਖਾਉਂਦਿਆਂ ਹੁਕਮ ਦਿੱਤੇ ਹਨ ਕਿ ਜਿਹੜੇ ਲੋਕ ਕੁਨੈਕਸ਼ਨ ਰੈਗੂਲਰ ਕਰਵਾਉਂਦੇ ਹਨ, ਠੀਕ ਹੈ ਨਹੀਂ ਤਾਂ ਬਾਕੀਆਂ ਨੂੰ ਬੰਦ ਕਰ ਦਿੱਤਾ ਜਾਵੇ। ਨਿਗਮ ਨੇ ਸਮੁੱਚੇ ਕੁਨੈਕਸ਼ਨਾਂ ਨੂੰ ਚੈੱਕ ਕਰਵਾਉਣਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਹੁਣ ਤੱਕ 400 ਨਾਜਾਇਜ਼ ਕੁਨੈਕਸ਼ਨਾਂ ਦੀ ਲਿਸਟ ਵੀ ਤਿਆਰ ਕਰ ਲਈ ਹੈ।
ਅਲੀਪੁਰ ਅਰਾਈਆਂ ਇਲਾਕੇ ਅੰਦਰ ਸੀਵਰੇਜ ਬਲਾਕ ਦੀ ਸਮੱਸਿਆ ਵੀ ਸੀ ਕਿਉਂਕਿ ਪਿਛਲੇ ਦਿਨੀਂ ਕਰਮਚਾਰੀ ਹੜਤਾਲ ਉਪਰ ਰਹੇ ਸਨ।