ਲਾਸ਼ ਨੂੰ ਭਾਖੜਾ ’ਚ ਸੁੱਟਿਆ, ਕਾਤਲ ਗ੍ਰਿਫਤਾਰ
ਬੁਢਲਾਡਾ, 26 ਨਵੰਬਰ : ਇਕ ਨੌਜਵਾਨ ਵੱਲੋਂ ਆਪਣੀ ਮਹਿਲਾ ਦੋਸਤ ਨੂੰ ਲੁਕਾ ਕੇ ਰੱਖਣ ਅਤੇ ਭਾਖੜਾ ਦੇ ਨਜ਼ਦੀਕ ਗਲਾ ਘੁੱਟ ਕੇ ਨਹਿਰ ’ਚ ਸੁੱਟ ਕੇ ਕਤਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਜਾਣਕਾਰੀ ਅਨੁਸਾਰ ਐੱਸ. ਐੱਚ. ਓ. ਸਦਰ ਕੌਰ ਸਿੰਘ ਨੇ ਦੱਸਿਆ ਕਿ ਜੂਨ ਮਹੀਨੇ ’ਚ ਲੀਲਾ ਸਿੰਘ ਨਾਂ ਦੇ ਵਿਅਕਤੀ ਨੇ ਪੁਲਸ ਨੂੰ ਸੂਚਿਤ ਕੀਤਾ ਸੀ ਕਿ ਉਸਦੀ ਲੜਕੀ ਮੋਹਾਲੀ ਵਿਖੇ ਹਸਪਤਾਲ ਵਿਚ ਨੌਕਰੀ ਕਰਦੀ ਸੀ। ਉਨ੍ਹਾਂ ਨੇ ਸ਼ੱਕ ਜਾਹਿਰ ਕੀਤਾ ਕਿ ਬਲਵਿੰਦਰ ਸਿੰਘ ਪੁੱਤਰ ਬਲਵੰਤ ਸਿੰਘ ਫਤਿਹਗੜ੍ਹ ਥਾਣਾ ਸੰਗਰੂਰ ਮੇਰੀ ਲੜਕੀ ਨੂੰ ਆਪਣੇ ਲੈ ਗਿਆ ਹੈ ਤੇ ਉਸਦਾ ਕਈ ਅਤਾ ਪਤਾ ਨਹੀਂ ਿਮਲਿਆ।
ਪੁਲਸ ਨੇ ਆਪਣੀ ਜਾਂਚ ਨੂੰ ਅੱਗੇ ਤੋਰਦਿਆਂ ਉਪਰੋਕਤ ਵਿਅਕਤੀ ਤੋਂ ਪੁੱਛਗਿੱਛ ਕੀਤੀ ਤਾਂ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਉਸਦੀ ਦੋਸਤੀ 8-10 ਸਾਲਾਂ ਤੋਂ ਕਾਲਪਨਿਕ ਨਾਂ ਰਾਣੀ ਕੌਰ (28 ਸਾਲ) ਨਾਲ ਸੀ ਪਰ ਉਹ ਵਿਆਹ ਲਈ ਦਬਾਅ ਬਣਾ ਰਹੀ ਸੀ ਕਿ ਤੂੰ ਆਪਣੀ ਘਰਵਾਲੀ ਜਾਂ ਬੱਚਿਆਂ ਨੂੰ ਛੱਡ ਦੇ ਜਾਂ ਮਾਰ ਦੇ ਇਸ ਡਰ ਤੋਂ ਮੈਂ ਉਸਨੂੰ ਪਟਿਆਲਾ ਬੁਲਾਇਆ, ਜਿੱਥੇ ਭਾਖੜਾ ਨਜ਼ਦੀਕ ਭੀਸੀਆਣਾ ਪਿੰਡ ਲੈ ਗਿਆ।
ਗੱਲਬਾਤ ਦੌਰਾਨ ਬਹਿਸਬਾਜ਼ੀ ਤੋਂ ਬਾਅਦ ਮੈਂ ਉਸਦੀ ਚੁੰਨੀ ਨਾਲ ਉਸਦਾ ਗਲਾ ਘੁੱਟ ਦਿੱਤਾ ਅਤੇ ਉਸਨੂੰ ਭਾਖੜਾ ਦੀ ਬੁਰਜੀ ਨੰ. 276 ਨਜ਼ਦੀਕ ਸੁੱਟ ਦਿੱਤਾ।
ਪੁਲਸ ਨੇ ਬਲਵਿੰਦਰ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਲੜਕੀ ਦੀ ਲਾਸ਼ ਦੀ ਭਾਲ ਕੀਤੀ ਜਾ ਰਹੀ ਹੈ। ਐੱਸ. ਐੱਚ. ਓ. ਕੌਰ ਸਿੰਘ ਨੇ ਦੱਸਿਆ ਕਿ ਉਪਰੋਕਤ ਬਲਵਿੰਦਰ ਸਿੰਘ ਨੇ ਖੁਦ ਕਬੂਲ ਕੀਤਾ ਕਿ ਉਸਨੇ ਆਪਣੀ ਦੋਸਤ ਦਾ ਕਤਲ ਕਰ ਕੇ ਉਸਦੀ ਲਾਸ਼ ਨੂੰ ਭਾਖੜਾ ’ਚ ਸੁੱਟ ਦਿੱਤਾ ਹੈ। ਪੁਲਸ ਨੇ ਕਤਲ ਦਾ ਮਾਮਲਾ ਦਰਜ ਕਰ ਲਿਆ ਹੈ।
Read More : ਕਾਂਗਰਸ ਨੇ ਐਲਾਨੀ ਨੈਸ਼ਨਲ ਟੈਲੇਂਟ ਹੰਟ ਕਮੇਟੀ