26 ਦਸੰਬਰ ਤੋਂ ਲਾਗੂ ਹੋਣਗੀਆਂ ਨਵੀਆਂ ਦਰਾਂ
ਨਵੀਂ ਦਿੱਲੀ, 21 ਦਸੰਬਰ : ਰੇਲ ਮੰਤਰਾਲੇ ਨੇ ਐਤਵਾਰ ਨੂੰ ਐਲਾਨ ਕੀਤਾ ਕਿ 215 ਕਿਲੋਮੀਟਰ ਤੋਂ ਵੱਧ ਦੀ ਯਾਤਰਾ ਲਈ ਸਾਧਾਰਨ ਸ਼੍ਰੇਣੀ ਦੀਆਂ ਟਿਕਟਾਂ ’ਚ ਪ੍ਰਤੀ ਕਿਲੋਮੀਟਰ ਇਕ ਪੈਸਾ ਅਤੇ ਮੇਲ/ਐਕਸਪ੍ਰੈੱਸ ਰੇਲ ਗੱਡੀਆਂ ਦੀ ਗੈਰ-ਏਅਰਕੰਡੀਸ਼ਨਡ ਸ਼੍ਰੇਣੀ ਤੇ ਸਾਰੀਆਂ ਟ੍ਰੇਨਾਂ ਦੀਆਂ ਏਅਰਕੰਡੀਸ਼ਨਡ ਸ਼੍ਰੇਣੀਆਂ ’ਚ ਪ੍ਰਤੀ ਕਿਲੋਮੀਟਰ 2 ਪੈਸੇ ਦਾ ਵਾਧਾ ਕੀਤਾ ਜਾਵੇਗਾ। ਨਵੀਆਂ ਦਰਾਂ 26 ਦਸੰਬਰ 2025 ਤੋਂ ਪ੍ਰਭਾਵੀ ਹੋਣਗੀਆਂ।
ਅਧਿਕਾਰੀਆਂ ਨੇ ਕਿਹਾ ਕਿ ਸਬ-ਅਰਬਨ (ਲੋਕਲ) ਰੇਲ ਗੱਡੀਆਂ ਦੇ ਮਾਸਿਕ ਸੀਜ਼ਨ ਟਿਕਟਾਂ ਅਤੇ ਹੋਰ ਟ੍ਰੇਨਾਂ ’ਚ 215 ਕਿਲੋਮੀਟਰ ਤੱਕ ਦੀ ਸਾਧਾਰਨ ਸ਼੍ਰੇਣੀ ਦੀ ਯਾਤਰਾ ਦੇ ਕਿਰਾਏ ’ਚ ਕੋਈ ਵਾਧਾ ਨਹੀਂ ਕੀਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਕਿਰਾਏ ’ਚ ਇਸ ਵਾਧੇ ਨਾਲ ਰੇਲਵੇ ਨੂੰ 31 ਮਾਰਚ 2026 ਤੱਕ ਕਰੀਬ 600 ਕਰੋੜ ਰੁਪਏ ਦਾ ਵਾਧੂ ਮਾਲੀਆ ਮਿਲਣ ਦੀ ਉਮੀਦ ਹੈ। ਰੇਲ ਮੰਤਰਾਲੇ ਅਨੁਸਾਰ, ਜੁਲਾਈ 2025 ’ਚ ਕੀਤੇ ਗਏ ਕਿਰਾਇਆ ਵਾਧੇ ਨਾਲ ਹੁਣ ਤੱਕ ਲਗਭਗ 700 ਕਰੋੜ ਰੁਪਏ ਦਾ ਮਾਲੀਆ ਪ੍ਰਾਪਤ ਹੋ ਚੁੱਕਾ ਹੈ।
Read More : ਨਿਊਜ਼ੀਲੈਂਡ ’ਚ ਨਗਰ ਕੀਰਤਨ ਦਾ ਵਿਰੋਧ ਵਿਸ਼ਵ ਭਾਈਚਾਰੇ ਦੀ ਸਮਾਜਿਕ ਸਾਂਝ ਨੂੰ ਚੁਣੌਤੀ : ਧਾਮੀ