ਇਸਲਾਮਾਬਾਦ, 16 ਨਵੰਬਰ : ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਦੌਰਾਨ ਤੀਰਥ ਯਾਤਰਾ ’ਤੇ ਇਕ ਸਿੱਖ ਸਮੂਹ ਨਾਲ ਪਾਕਿਸਤਾਨ ਜਾ ਰਹੀ ਭਾਰਤੀ ਔਰਤ ਸਰਬਜੀਤ ਕੌਰ ਦੇ ਲਾਪਤਾ ਹੋਣ ਨਾਲ ਭਾਰਤ ਲਈ ਖਤਰੇ ਦੀ ਘੰਟੀ ਵੱਜ ਗਈ ਹੈ।
ਜਾਣਕਾਰੀ ਅਨੁਸਾਰ ਪੰਜਾਬ ਦੀ ਇਸ ਸਿੱਖ ਔਰਤ ਨੇ ਇਸਲਾਮ ਧਰਮ ਅਪਣਾ ਕੇ ਇਕ ਪਾਕਿਸਤਾਨੀ ਨਾਗਰਿਕ ਨਾਲ ਵਿਆਹ ਕਰਵਾ ਲਿਆ ਹੈ। ਇਸ ਖੁਲਾਸੇ ਤੋਂ ਬਾਅਦ ਖੁਫੀਆ ਏਜੰਸੀਆਂ ਅਲਰਟ ’ਤੇ ਹਨ। ਇਸ ਨੂੰ ਵੱਡੀ ਪਾਕਿਸਤਾਨੀ ਸਾਜ਼ਿਸ਼ ਦੱਸਿਆ ਜਾ ਰਿਹਾ ਹੈ, ਜਿਸ ਵਿਚ ਪਾਕਿਸਤਾਨੀ ਖੁਫੀਆ ਨੈੱਟਵਰਕ ਯੋਜਨਾਬੱਧ ਢੰਗ ਨਾਲ ਸ਼ਰਧਾਲੂਆਂ ਨੂੰ ਨਿਸ਼ਾਨਾ ਬਣਾ ਰਿਹਾ ਹੈ।
ਪਾਕਿਸਤਾਨ ਦਾ ਖੁਫੀਆ ਨੈੱਟਵਰਕ ਖੁਫੀਆ ਜਾਣਕਾਰੀ ਇਕੱਠੀ ਕਰਨ ਅਤੇ ਮੁਸੀਬਤ ਪੈਦਾ ਕਰਨ ਲਈ ਵਿਆਹ ਤੇ ਜ਼ਬਰਦਸਤੀ ਧਰਮ ਪਰਿਵਰਤਨ ਦੀ ਵਰਤੋਂ ਰਣਨੀਤੀ ਵਜੋਂ ਕਰਦਾ ਹੈ। ਸਰਬਜੀਤ ਕੌਰ ਇਕ ਸਿੱਖ ਸਮੂਹ ਨਾਲ ਪਾਕਿਸਤਾਨ ਗਈ ਸੀ ਪਰ ਵਾਪਸ ਨਹੀਂ ਆਈ। ਉਸ ਨੇ ਪਾਕਿਸਤਾਨ ਦੇ ਖੇਤਰ ਸ਼ੇਖੂਪੁਰਾ ਦੇ ਵਾਸੀ ਨਾਸਿਰ ਹੁਸੈਨ ਨਾਲ ਵਿਆਹ ਕਰਵਾਇਆ ਹੈ। ਨਿਕਾਹਨਾਮੇ ਤੋਂ ਪਤਾ ਲੱਗਦਾ ਹੈ ਕਿ ਸਰਬਜੀਤ ਕੌਰ ਨੇ ਇਸਲਾਮ ਧਰਮ ਅਪਣਾ ਲਿਆ ਹੈ ਅਤੇ ਆਪਣਾ ਨਾਂ ਬਦਲ ਕੇ ਨੂਰ ਹੁਸੈਨ ਰੱਖ ਲਿਆ ਹੈ।
ਸ਼ੇਖੂਪੁਰਾ ਮਸਜਿਦ ਨੇ ਇਕ ਨਿਕਾਹਨਾਮਾ ਜਾਰੀ ਕੀਤਾ ਹੈ, ਜਿਸ ਵਿਚ ਕਿਹਾ ਗਿਆ ਹੈ ਕਿ ਵਿਆਹ ਸਰਬਜੀਤ ਕੌਰ ਦੀ ਸਹਿਮਤੀ ਨਾਲ ਹੋਇਆ ਸੀ। ਹਾਲਾਂਕਿ ਉੱਚ ਖੁਫੀਆ ਅਧਿਕਾਰੀ ਇਸ ਤੋਂ ਉਲਟ ਮੰਨਦੇ ਹਨ। ਇਕ ਖੁਫੀਆ ਸੂਤਰ ਨੇ ਦੱਸਿਆ ਕਿ ਇਹ ਵਿਆਹ ਧਰਮ ਪਰਿਵਰਤਨ ਦੀ ਆੜ ਵਿਚ ਨਿਸ਼ਾਨਾਬੱਧ ਭਰਤੀ ਦੇ ਪੈਟਰਨ ਦਾ ਹਿੱਸਾ ਹੈ।
ਪਾਕਿਸਤਾਨੀ ਕੱਟੜਪੰਥੀ ਹੈਂਡਲਰ ਧਾਰਮਿਕ ਸਥਾਨਾਂ ’ਤੇ ਭਾਵਨਾਤਮਕ ਤੌਰ ’ਤੇ ਕਮਜ਼ੋਰ ਵਿਅਕਤੀਆਂ ਦੀ ਪਛਾਣ ਕਰਦੇ ਹਨ। ਫਿਰ ਉਹ ਉਨ੍ਹਾਂ ਨੂੰ ਵਿਸ਼ਵਾਸ ਵਿਚ ਲੈ ਕੇ ਪ੍ਰੇਮ ਸਬੰਧਾਂ ਤੇ ਵਿਆਹ ਰਾਹੀਂ ਫਸਾਉਂਦੇ ਹਨ।
ਨਿਕਾਹਨਾਮੇ ਵਿਚ ਦਿਖਾਈ ਗਈ ਸਹਿਮਤੀ ਅਕਸਰ ਜਾਅਲੀ ਜਾਂ ਜ਼ਬਰਦਸਤੀ ਕੀਤੀ ਜਾਂਦੀ ਹੈ। ਇਕ ਵਾਰ ਵਿਆਹ ਤੇ ਧਰਮ ਪਰਿਵਰਤਨ ਤੋਂ ਬਾਅਦ ਉਨ੍ਹਾਂ ਨੂੰ ਸਥਾਈ ਤੌਰ ’ਤੇ ਪਾਕਿਸਤਾਨ ਤਬਦੀਲ ਕਰ ਦਿੱਤਾ ਜਾਂਦਾ ਹੈ ਅਤੇ ਉਨ੍ਹਾਂ ਦੀ ਭਾਰਤੀ ਪਛਾਣ ਖਤਮ ਕਰ ਦਿੱਤੀ ਜਾਂਦੀ ਹੈ।
Read More : ਰਾਜਕੁਮਾਰ ਰਾਓ ਤੇ ਪੱਤਰਲੇਖਾ ਬਣੇ ਮਾਤਾ-ਪਿਤਾ