ਮੋਹਾਲੀ, 1 ਜਨਵਰੀ : ਨਵੇਂ ਸਾਲ ਦੇ ਪਹਿਲੇ ਦਿਨ ਮੋਹਾਲੀ ‘ਚ ਇਕ ਨੌਜਵਾਨ ਦਾ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ, ਜਿਸਦੀ ਪਛਾਣ ਮੁਕੇਸ਼ (26) ਜੁਝਾਰ ਨਗਰ ਵਜੋਂ ਹੋਈ। ਉਹ ਵਿਆਹਿਆ ਹੋਇਆ ਸੀ। ਉਨ੍ਹਾਂ ਦੀ ਡੇਢ ਸਾਲ ਦੀ ਧੀ ਹੈ। ਮੁਕੇਸ਼ ਮੋਹਾਲੀ ਦੇ ਬਹਿਲੋਲਪੁਰ ਪਿੰਡ ‘ਚ ਗੋਲਗੱਪੇ ਵੇਚਣ ਦਾ ਕੰਮ ਕਰਦਾ ਸੀ ਅਤੇ ਮੂਲ ਰੂਪ ‘ਚ ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਦਾ ਰਹਿਣ ਵਾਲਾ ਸੀ।
ਬਲੌਂਗੀ ਥਾਣੇ ਦੇ ਐੱਸ. ਐੱਚ. ਓ, ਇੰਸਪੈਕਟਰ ਪੈਰੀਵਿੰਕਲ ਨੇ ਕਿਹਾ ਕਿ ਉਹ ਮੁਲਜ਼ਮਾਂ ਬਾਰੇ ਸੁਰਾਗ ਇਕੱਠੇ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਫੜਨ ਲਈ ਛਾਪੇਮਾਰੀ ਕਰ ਰਹੇ ਹਨ।
ਮੁਕੇਸ਼ ਦਾ ਪਰਿਵਾਰਕ ਮੈਂਬਰ ਬਲਵੀਰ ਜੁਝਾਰ ਨਗਰ ਪਿੰਡ ਮੋਹਰੀ ‘ਚ ਕਿਰਾਏ ਦੇ ਕਮਰੇ ਵਿੱਚ ਰਹਿੰਦਾ ਸੀ। ਮੁਕੇਸ਼ ਦੇ ਘਰ ਅਤੇ ਬਲਵੀਰ ਦੇ ਕਮਰੇ ਵਿਚਕਾਰ ਥੋੜ੍ਹੀ ਦੂਰੀ ਹੈ। ਬੁੱਧਵਾਰ ਨੂੰ ਬਲਵੀਰ ਦਾ ਆਪਣੇ ਗੁਆਂਢ ‘ਚ ਰਹਿਣ ਵਾਲੇ ਕੁਝ ਮੁੰਡਿਆਂ ਨਾਲ ਝਗੜਾ ਹੋ ਗਿਆ ਸੀ।
ਮੋਹਿਤ ਨੇ ਦੱਸਿਆ ਕਿ ਵੀਰਵਾਰ ਨੂੰ ਉਸਦਾ ਜੀਜਾ ਕਮਰਾ ਖਾਲੀ ਕਰ ਰਿਹਾ ਸੀ ਅਤੇ ਉਹ ਉਸਦੀ ਮੱਦਦ ਕਰ ਰਿਹਾ ਸੀ। ਦੁਪਹਿਰ 3:30 ਵਜੇ ਦੇ ਕਰੀਬ ਨੌਜਵਾਨ ਆਪਣੇ ਦੋਸਤਾਂ ਨਾਲ ਪਹੁੰਚਿਆ, ਜਿਨ੍ਹਾਂ ਦੀ ਪਹਿਲਾਂ ਹੀ ਉਸ ਨਾਲ ਲੜਾਈ ਹੋ ਚੁੱਕੀ ਸੀ। ਉਹ ਚਾਕੂ, ਡੰਡੇ ਅਤੇ ਹੋਰ ਹਥਿਆਰਾਂ ਨਾਲ ਲੈਸ ਸਨ।
ਇਸ ਦੌਰਾਨ 10 ਤੋਂ 15 ਨੌਜਵਾਨਾਂ ਨੇ ਉਸਨੂੰ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਇਸ ਦੌਰਾਨ ਇੱਕ ਦੋਸ਼ੀ ਨੇ ਮੁਕੇਸ਼ ਦੇ ਪੇਟ ‘ਚ ਚਾਕੂ ਮਾਰ ਦਿੱਤਾ ਅਤੇ ਸਾਰੇ ਭੱਜ ਗਏ। ਜਦੋਂ ਉਹ ਉਸਨੂੰ ਹਸਪਤਾਲ ਲੈ ਕੇ ਆਏ ਤਾਂ ਉਹ ਮਰ ਚੁੱਕਾ ਸੀ। ਸੂਚਨਾ ਮਿਲਣ ‘ਤੇ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ।
ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮੁੱਢਲੀ ਜਾਂਚ ਤੋਂ ਪਤਾ ਲੱਗਦਾ ਹੈ ਕਿ ਮਾਮਲਾ ਪੁਰਾਣੀ ਦੁਸ਼ਮਣੀ ਨਾਲ ਜੁੜਿਆ ਹੋਇਆ ਹੈ। ਮੁਲਜ਼ਮਾਂ ਦੀ ਭਾਲ ਲਈ ਵਿਸ਼ੇਸ਼ ਪੁਲਿਸ ਟੀਮਾਂ ਬਣਾਈਆਂ ਗਈਆਂ ਹਨ ਅਤੇ ਨੇੜਲੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਦੀ ਜਾਂਚ ਕੀਤੀ ਜਾ ਰਹੀ ਹੈ।
Read More : ਪੰਜਾਬ ਸਰਕਾਰ ਨੇ 1.85 ਲੱਖ ਲੋਕਾਂ ਨੂੰ 437 ਵੱਖ-ਵੱਖ ਸੇਵਾਵਾਂ ਪ੍ਰਦਾਨ ਕੀਤੀਆਂ : ਅਮਨ ਅਰੋੜਾ