ਮਲੱਪੁਰਮ , 29 ਨਵੰਬਰ : ਕੇਰਲ ਦੇ ਮਲੱਪੁਰਮ ਜ਼ਿਲੇ ਦੀ ਇਕ ਅਦਾਲਤ ਨੇ ਸਾਬਕਾ ਵਿਧਾਇਕ ਪੀ. ਵੀ. ਅਨਵਰ ਦੇ ਭਤੀਜੇ ਨੂੰ ਲਗਭਗ 30 ਸਾਲ ਪੁਰਾਣੇ ਕਤਲ ਕੇਸ ’ਚ ਸ਼ਨੀਵਾਰ ਉਮਰ ਕੈਦ ਦੀ ਸਜ਼ਾ ਸੁਣਾਈ।
ਮੰਜੇਰੀ ਦੇ ਵਧੀਕ ਜ਼ਿਲਾ ਤੇ ਸੈਸ਼ਨ ਜੱਜ ਟੀ. ਵੀ. ਟੇਲਸ ਨੇ ਅਨਵਰ ਦੇ ਭਤੀਜੇ ਮਲੰਗਦਾਨ ਸ਼ਫੀਕ ਨੂੰ ਆਈ. ਪੀ. ਸੀ ਦੀ ਧਾਰਾ 302 ਅਧੀਨ ਸਜ਼ਾ ਸੁਣਾਈ ਤੇ ਇਕ ਲੱਖ ਰੁਪਏ ਦਾ ਜੁਰਮਾਨਾ ਲਾਇਆ।
ਮੁਸਲਿਮ ਲੀਗ ਯੂਥ ਵਿੰਗ ਦੇ ਕਾਰਕੁਨ ਪੱਲੀਪਰੰਬਨ ਦੀ 13 ਅਪ੍ਰੈਲ, 1995 ਨੂੰ ਚਾਕੂ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਅਨਵਰ ਵੀ ਇਸ ਮਾਮਲੇ ’ਚ ਇਕ ਮੁਲਜ਼ਮ ਸੀ ਪਰ ਅਦਾਲਤ ਨੇ ਉਸ ਨੂੰ ਤੇ 21 ਹੋਰਾਂ ਨੂੰ ਪਹਿਲਾਂ ਹੀ ਬਰੀ ਕਰ ਦਿੱਤਾ ਸੀ।
Read More : ਕੰਚਨਪ੍ਰੀਤ ਕੌਰ ਗ੍ਰਿਫਤਾਰ, ਪੁਲਿਸ ਨੇ 6 ਘੰਟੇ ਕੀਤੀ ਪੁੱਛਗਿੱਛ