ਪ੍ਰਤਾਪਗੜ੍ਹ, 23 ਨਵੰਬਰ : ਕੁੰਡਾ ਥਾਣਾ ਖੇਤਰ ਦੇ ਸਰਿਆਵਾ ਪਿੰਡ ’ਚ ਸ਼ਨੀਵਾਰ ਦੇਰ ਰਾਤ ਬਾਈਕ ਹਟਾਉਣ ਨੂੰ ਲੈ ਕੇ ਹੋਏ ਝਗੜੇ ਦੌਰਾਨ ਪਿੰਡ ਦੇ ਸਾਬਕਾ ਮੁਖੀ ਗੁੱਡੂ ਦੇ 2 ਪੁੱਤਰਾਂ ’ਤੇ ਅੰਨ੍ਹੇਵਾਹ ਫਾਇਰਿੰਗ ਕੀਤੀ ਗਈ।
ਛੋਟੇ ਪੁੱਤਰ ਫੁਰਕਾਨ (22) ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਜਦੋਂ ਕਿ ਵੱਡਾ ਪੁੱਤਰ ਸਾਹਿਲ (25) ਗੰਭੀਰ ਰੂਪ ’ਚ ਜ਼ਖਮੀ ਹੋ ਗਿਆ । ਉਸ ਨੂੰ ਪ੍ਰਯਾਗਰਾਜ ਰੈਫਰ ਕਰ ਦਿੱਤਾ ਗਿਆ ਹੈ।
ਦੋਸ਼ ਲਾਇਆ ਜਾ ਰਿਹਾ ਹੈ ਕਿ ਝਗੜੇ ਤੋਂ ਬਾਅਦ ਗੁਆਂਢੀ ਤਨਵੀਰ ਮਿਲਕੀ ਨੇ ਘਰੋਂ ਬੰਦੂਕ ਲਿਅਾ ਕੇ ਦੋਵਾਂ ਭਰਾਵਾਂ ‘ਤੇ ਗੋਲੀ ਚਲਾ ਦਿੱਤੀ। ਮ੍ਰਿਤਕ ਦੇ ਪਰਿਵਾਰ ਨੇ ਸਪਾ ਨੇਤਾ ਤਨਵੀਰ ਤੇ ਉਸ ਦੇ ਭਰਾ ’ਤੇ ਹੱਤਿਅਾ ਦਾ ਦੋਸ਼ ਲਾਇਆ ਹੈ।
ਵਧੀਕ ਪੁਲਸ ਸੁਪਰਡੈਂਟ ਬ੍ਰਿਜ ਨੰਦਨ ਰਾਏ ਨੇ ਕਿਹਾ ਕਿ ਪੁਲਸ ਨੇ ਤਨਵੀਰ ਤੇ ਸੋਹਰਾਬ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ । ਉਨ੍ਹਾਂ ਦੀ ਲਾਇਸੈਂਸੀ 12 ਬੋਰ ਦੀ ਡਬਲ-ਬੈਰਲ ਬੰਦੂਕ ਤੇ ਕਾਰਤੂਸ ਬਰਾਮਦ ਕਰ ਲਏ ਗਏ ਹਨ।
Read More : ਰਿਸ਼ਵਤ ਮਾਮਲੇ ‘ਚ ਨਿਗਮ ਕਮਿਸ਼ਨਰ-ਕਮ-ਐੱਸ.ਡੀ.ਐੱਮ. ਬਟਾਲਾ ਗ੍ਰਿਫਤਾਰ