ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੇ ਰਾਜਪਾਲ ਕਟਾਰੀਆ ਨੂੰ ਪੁਰਸਕਾਰ ਭੇਟ ਕੀਤਾ
ਚੰਡੀਗੜ੍ਹ, 17 ਜੁਲਾਈ : ਇਕ ਵਾਰ ਫਿਰ ਚੰਡੀਗੜ੍ਹ ਨੇ ਸਵੱਛ ਭਾਰਤ ਮਿਸ਼ਨ ਅਧੀਨ ਆਯੋਜਿਤ ਸਵੱਛ ਸਰਵੇਖਣ-2024 ਦੀ ਰੈਂਕਿੰਗ ’ਚ ਸਫਾਈ ਦੇ ਖੇਤਰ ਵਿਚ ਆਪਣੀ ਉੱਤਮਤਾ ਸਾਬਿਤ ਕੀਤੀ ਹੈ ਅਤੇ ਸੁਪਰ ਸਵੱਛਤਾ ਲੀਗ ’ਚ ਚੰਡੀਗੜ੍ਹ ਨੂੰ ਦੂਜਾ ਸਥਾਨ ਮਿਲਿਆ। ਇਸ ਦੌਰਾਨ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੇ ਪੰਜਾਬ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਨੂੰ ਪੁਰਸਕਾਰ ਭੇਟ ਕੀਤਾ।
ਚੰਡੀਗੜ੍ਹ ਨੇ ਸਵੱਛ ਭਾਰਤ ਮਿਸ਼ਨ ਅਧੀਨ ਕਰਵਾਏ ਗਏ ਸਵੱਛ ਸਰਵੇਖਣ-2024 ਰੈਂਕਿੰਗ ’ਚ 3-10 ਲੱਖ ਆਬਾਦੀ ਸ਼੍ਰੇਣੀ ਵਿਚ ‘ਸੁਪਰ ਸਵੱਛ ਲੀਗ’ ਵਿਚ ਜਗ੍ਹਾ ਬਣਾ ਕੇ ਇਕ ਵਾਰ ਫਿਰ ਸਫਾਈ ਦੇ ਖੇਤਰ ’ਚ ਆਪਣੀ ਉੱਤਮਤਾ ਸਾਬਤ ਕੀਤੀ ਹੈ। ਇਹ ਪ੍ਰਾਪਤੀ ਸ਼ਹਿਰ ਦੀ ਨਿਰੰਤਰ ਸ਼ਾਨਦਾਰ ਸਫਾਈ ਪ੍ਰਣਾਲੀ ਅਤੇ ਟਿਕਾਊ ਸ਼ਹਿਰੀ ਸਫਾਈ ਪ੍ਰਤੀ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ।