ਲੁਧਿਆਣਾ, 26 ਜੁਲਾਈ : ਸੂਬੇ ਦੀ ਉਦਯੋਗਿਕ ਨੀਤੀ ਨੂੰ ਮਜ਼ਬੂਤ ਕਰਨ ਤੇ ਕਾਰੋਬਾਰ ਕਰਨ ਵਿਚ ਸੌਖ ਨੂੰ ਬਿਹਤਰ ਬਣਾਉਣ ਲਈ ਉਦਯੋਗ ਮਾਹਿਰਾਂ ਤੋਂ ਸੁਝਾਅ ਇਕੱਠੇ ਕਰਨ ਦੀ ਪੰਜਾਬ ਸਰਕਾਰ ਦੀ ਪਹਿਲਕਦਮੀ ਨੂੰ ਜਾਰੀ ਰੱਖਦੇ ਪੰਜਾਬ ਦੇ ਕੈਬਨਿਟ ਮੰਤਰੀ ਸੰਜੀਵ ਅਰੋੜਾ ਨੇ ਅੱਜ ਛੇ ਹੋਰ ਸੈਕਟਰਲ ਕਮੇਟੀਆਂ ਦੇ ਗਠਨ ਦਾ ਐਲਾਨ ਕੀਤਾ।
ਉਨ੍ਹਾਂ ਇਹ ਐਲਾਨ ਸ਼ਨੀਵਾਰ ਨੂੰ ਲੁਧਿਆਣਾ ਦੇ ਜ਼ਿਲਾ ਪ੍ਰਬੰਧਕੀ ਕੰਪਲੈਕਸ ਬੱਚਤ ਭਵਨ ਵਿਖੇ ਆਯੋਜਿਤ ਇਕ ਪ੍ਰੈੱਸ ਕਾਨਫਰੰਸ ਵਿਚ ਕੀਤਾ। ਕਮੇਟੀਆਂ ਦੇ ਚੇਅਰਮੈਨ ਰਾਜੇਸ਼ ਖਰਬੰਦਾ (ਖੇਡਾਂ ਦੇ ਸਾਮਾਨ ਨਿਰਮਾਣ ਤੇ ਨਿਰਯਾਤਕ ਐਸੋਸੀਏਸ਼ਨ ਤੇ ਐੱਮ.ਡੀ. ਨੀਵੀਆ ਸਪੋਰਟਸ, ਜਲੰਧਰ)- ਖੇਡ/ਚਮੜੇ ਦੇ ਸਾਮਾਨ ਕਮੇਟੀ ਅਸ਼ਵਨੀ ਕੁਮਾਰ (ਪ੍ਰਧਾਨ ਐੱਫ.ਆਈ.ਈ.ਓ. ਇੰਡੀਆ, ਵਿਕਟਰ ਫੋਰਜਿੰਗਜ਼, ਜਲੰਧਰ)- ਮਸ਼ੀਨ/ਹੱਥ ਟੂਲ ਕਮੇਟੀ ਅਸ਼ੋਕ ਅਰੋੜਾ (ਐੱਲ.ਟੀ. ਫੂਡਜ਼ ਦਾਵਤ ਚੌਲ)- ਫੂਡ ਪ੍ਰੋਸੈਸਿੰਗ ਤੇ ਡੇਅਰੀ ਗੁਰਜਿੰਦਰ ਸਿੰਘ (ਬੈਸਟ ਵੈਸਟਰਨ ਹੋਟਲਜ਼)- ਟੂਰਿਜ਼ਮ ਤੇ ਹੋਸਪਿਟੈਲਿਟੀ ਕਮੇਟੀ ਏ.ਐੱਸ. ਮਿੱਤਲ (ਇੰਟਰਨੈਸ਼ਨਲ ਟਰੈਕਟਰਜ਼ ਲਿਮਟਿਡ, ਹੁਸ਼ਿਆਰਪੁਰ)- ਹੈਵੀ ਮਸ਼ੀਨਰੀ ਨਰੇਸ਼ ਤਿਵਾੜੀ (ਪਲਾਈਵੁੱਡ ਮੈਨੂਫੈਕਚਰਿੰਗ ਇੰਡਸਟਰੀਜ਼ ਐਸੋਸੀਏਸ਼ਨ ਤੇ ਐੱਮ.ਡੀ. ਵਿਰਗੋ ਪੈਨਲਜ਼, ਹੁਸ਼ਿਆਰਪੁਰ)- ਫਰਨੀਚਰ ਤੇ ਪਲਾਈ ਇੰਡਸਟਰੀ ਕਮੇਟੀ।
ਇਨ੍ਹਾਂ ਕਮੇਟੀਆਂ ’ਚ ਵਿਭਿੰਨ ਉਦਯੋਗਿਕ ਖੇਤਰਾਂ ਦੇ ਮੈਂਬਰ ਸ਼ਾਮਲ ਹਨ ਤੇ ਇਹ ਸੈਕਟਰ ਵਿਸ਼ੇਸ਼ ਨੀਤੀਗਤ ਉਪਾਵਾਂ ਦੀ ਸਿਫ਼ਾਰਸ਼ ਕਰਨ ਲਈ ਥਿੰਕ ਟੈਂਕ ਵਜੋਂ ਕੰਮ ਕਰਨਗੇ। ਕਮੇਟੀਆਂ 1 ਅਕਤੂਬਰ 2025 ਤੱਕ ਲਿਖਤੀ ਰੂਪ ਵਿਚ ਇਹ ਸਿਫ਼ਾਰਸ਼ਾਂ ਜਮ੍ਹਾਂ ਕਰਾਉਣਗੀਆਂ। ਹਰੇਕ ਕਮੇਟੀ ਵਿਚ ਇਕ ਚੇਅਰਪਰਸਨ ਤੇ ਉਦਯੋਗ ਤੋਂ ਕੁਝ ਮੈਂਬਰ ਹੋਣਗੇ।
ਹਰੇਕ ਕਮੇਟੀ ਨੂੰ ਸਕੱਤਰੇਤ ਸਹਾਇਤਾ ਕਮੇਟੀ ਦੇ ਮੈਂਬਰ ਸਕੱਤਰ ਵਲੋਂ ਪ੍ਰਦਾਨ ਕੀਤੀ ਜਾਵੇਗੀ। ਉਦਯੋਗ ਤੇ ਵਣਜ ਵਿਭਾਗ ਤੋਂ ਜਨਰਲ ਮੈਨੇਜਰ ਜ਼ਿਲਾ ਉਦਯੋਗ ਕੇਂਦਰ (ਜੀ.ਐੱਮ, ਡੀ.ਆਈ.ਸੀ.) ਅਤੇ ਪੰਜਾਬ ਬਿਊਰੋ ਆਫ਼ ਇਨਵੈਸਟਮੈਂਟ ਪ੍ਰਮੋਸ਼ਨ (ਪੀ.ਬੀ.ਆਈ.ਪੀ.) ਤੋਂ ਸਬੰਧਤ ਸੈਕਟਰ ਅਫਸਰ ਸਬੰਧਤ ਕਮੇਟੀ ਦੀ ਲੋੜ ਅਨੁਸਾਰ ਪ੍ਰਬੰਧਕੀ ਸਹਾਇਤਾ ਕਰਨਗੇ।
Read More : ਪਿੰਗਲਵਾੜਾ ਦੇ ਕੇਅਰ ਸੈਂਟਰ ਤੋਂ ਭੱਜੇ 3 ਬੱਚੇ