ਵਾਹਨ ਤੇ ਲਾਹਣ ਦੇ ਡਰੰਮ ਸਡ਼ ਕੇ ਸੁਆਹ
ਪਟਿਆਲਾ, ਥਾਣਾ ਪਸਿਆਣਾ ਦੇ ਮਾਲਖਾਨੇ ਨੂੰ ਅੱਗ ਲੱਗਣ ਨਾਲ ਕਈ ਵਾਹਨ ਅਤੇ ਉੱਥੇ ਪਏ ਲਾਹਣ ਦੇ ਡਰੰਮ ਸਡ਼ ਗਏ। ਐੱਸ. ਐੱਚ. ਓ. ਅਜੇ ਪਰੋਚਾ ਨੇ ਇਸ ਦੀ ਸੂਚਨਾ ਫਾਇਰ ਬ੍ਰਿਗੇਡ ਨੂੰ ਦਿੱਤੀ। ਸੂਚਨਾ ਮਿਲਣ ਤੋਂ ਬਾਅਦ ਫਾਇਰ ਬ੍ਰਿਗੇਡ ਦੀ ਗੱਡੀ ਘਟਨਾ ਵਾਲੀ ਥਾਂ ’ਤੇ ਪਹੁੰਚੀ ਅਤੇ ਅੱਗ ’ਤੇ ਕਾਬੂ ਪਾਇਆ। ਮਿਲੀ ਜਾਣਕਾਰੀ ਮੁਤਾਬਕ ਜਦੋਂ ਤੱਕ ਅੱਗ ’ਤੇ ਕਾਬੂ ਪਾਇਆ ਗਿਆ, ਉਦੋਂ ਤੱਕ ਕਈ ਵਾਹਨ ਨੁਕਸਾਨੇ ਜਾ ਚੁੱਕੇ ਸਨ। ਮਾਲਖਾਨੇ ’ਚ ਵੱਡੀ ਗਿਣਤੀ ’ਚ ਵਾਹਨ ਅਤੇ ਪੁਲਸ ਕਸਟਡੀ ਵਾਲੇ ਲਾਹਣ ਦੇ ਡਰੰਮ ਮੌਜੂਦ ਸਨ, ਜਿਸ ਕਾਰਨ ਅੱਗ ਜਲਦੀ ਵਾਹਨ ਅਤੇ ਲਾਹਣ ਨੂੰ ਫਡ਼ ਗਈ ਅਤੇ ਕਈ ਵਾਹਨ ਸੜ ਕੇ ਸੁਆਹ ਹੋ ਗਏ।