156 ਦੌੜਾਂ ਦਾ ਟੀਚਾ ਗੁਜਰਾਤ ਨੇ 15.5 ਓਵਰਾਂ ‘ਚ ਹੀ ਕੀਤਾ ਸਰ
ਸਪੋਰਟਸ ਡੈਸਕ, 30 ਅਪ੍ਰੈਲ : ਨਰਿੰਦਰ ਮੋਦੀ ਸਟੇਡੀਅਮ ਵਿਚ ਖੇਡੇ ਗਏ ਆਈਪੀਐਲ 2026 ਦੇ 42ਵੇਂ ਮੁਕਾਬਲੇ ਵਿਚ ਗੁਜਰਾਤ ਟਾਈਟਨਸ ਨੇ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨੂੰ 4 ਵਿਕਟਾਂ ਨਾਲ ਹਰਾ ਦਿੱਤਾ। ਬੈਂਗਲੁਰੂ ਦੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 155 ਦੌੜਾਂ ‘ਤੇ ਹੀ ਸਿਮਟ ਗਈ ਸੀ, ਜਿਸ ਦੇ ਜਵਾਬ ਵਿੱਚ ਗੁਜਰਾਤ ਨੇ 25 ਗੇਂਦਾਂ ਬਾਕੀ ਰਹਿੰਦਿਆਂ 15.5 ਓਵਰਾਂ ਵਿੱਚ 158 ਦੌੜਾਂ ਬਣਾ ਕੇ ਟੀਚਾ ਹਾਸਲ ਕਰ ਲਿਆ।
ਗਿੱਲ ਅਤੇ ਬਟਲਰ ਦੀ ਦਮਦਾਰ ਬੱਲੇਬਾਜ਼ੀ:
ਗੁਜਰਾਤ ਵੱਲੋਂ ਕਪਤਾਨ ਸ਼ੁਭਮਨ ਗਿੱਲ (43) ਅਤੇ ਜੋਸ ਬਟਲਰ (39) ਨੇ ਮਜ਼ਬੂਤ ਪਾਰੀਆਂ ਖੇਡ ਕੇ ਜਿੱਤ ਦੀ ਨੀਂਹ ਰੱਖੀ। ਗੇਂਦਬਾਜ਼ੀ ਵਿੱਚ ਅਰਸ਼ਦ ਖਾਨ ਨੇ ਸਭ ਤੋਂ ਵੱਧ 3 ਵਿਕਟਾਂ ਝਟਕਾਈਆਂ, ਜਦੋਂ ਕਿ ਜੇਸਨ ਹੋਲਡਰ ਨੇ 2 ਵਿਕਟਾਂ ਲਈਆਂ। ਬੈਂਗਲੁਰੂ ਵੱਲੋਂ ਦੇਵਦੱਤ ਪਡਿੱਕਲ ਨੇ ਸਭ ਤੋਂ ਵੱਧ 40 ਦੌੜਾਂ ਬਣਾਈਆਂ। ਵਿਰਾਟ ਕੋਹਲੀ ਨੇ ਤੇਜ਼ ਸ਼ੁਰੂਆਤ ਕਰਦਿਆਂ ਇਕੋ ਓਵਰ ਵਿੱਚ 5 ਚੌਕੇ ਜੜੇ ਪਰ ਉਹ 28 ਦੌੜਾਂ ਬਣਾ ਕੇ ਆਊਟ ਹੋ ਗਏ।
ਵਿਵਾਦਤ ਕੈਚ ‘ਤੇ ਮੈਦਾਨੀ ਡਰਾਮਾ:
ਮੈਚ ਦੌਰਾਨ ਉਸ ਸਮੇਂ ਹੰਗਾਮਾ ਹੋ ਗਿਆ ਜਦੋਂ ਰਜਤ ਪਾਟੀਦਾਰ (19) ਨੂੰ ਜੇਸਨ ਹੋਲਡਰ ਦੇ ਇੱਕ ਵਿਵਾਦਤ ਕੈਚ ‘ਤੇ ਆਊਟ ਕਰਾਰ ਦਿੱਤਾ ਗਿਆ। ਇਸ ਫੈਸਲੇ ਤੋਂ ਨਾਰਾਜ਼ ਵਿਰਾਟ ਕੋਹਲੀ ਮੈਦਾਨ ‘ਤੇ ਅੰਪਾਇਰ ਨਾਲ ਬਹਿਸ ਕਰਦੇ ਨਜ਼ਰ ਆਏ। ਇਸ ਘਟਨਾ ਨੇ ਮੈਚ ਵਿੱਚ ਕਾਫ਼ੀ ਡਰਾਮਾ ਪੈਦਾ ਕੀਤਾ, ਹਾਲਾਂਕਿ ਅੰਪਾਇਰ ਆਪਣੇ ਫੈਸਲੇ ‘ਤੇ ਕਾਇਮ ਰਹੇ ਅਤੇ ਬੈਂਗਲੁਰੂ ਨੂੰ ਇਹ ਵੱਡਾ ਝਟਕਾ ਲੱਗਾ।
Read More : ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਕੌਹਰੀਆਂ ‘ਚ ਅਤਿ-ਆਧੁਨਿਕ ਹਸਪਤਾਲ ਲੋਕਾਂ ਨੂੰ ਸਮਰਪਿਤ