ਗੰਗੋਤਰੀ ਵਿੱਚ ਤਾਪਮਾਨ -22 ਡਿਗਰੀ ਸੈਲਸੀਅਸ ਕੀਤਾ ਦਰਜ
ਦੇਹਰਾਦੂਨ, 4 ਜਨਵਰੀ : ਉਤਰਾਖੰਡ ਦੇ ਪਹਾੜੀ ਇਲਾਕਿਆਂ ਵਿਚ ਬਰਫ਼ਬਾਰੀ ਤੋਂ ਬਾਅਦ ਠੰਢ ਵਧਣੀ ਸ਼ੁਰੂ ਹੋ ਗਈ ਹੈ। 4 ਜਨਵਰੀ ਨੂੰ ਸੂਬੇ ਵਿਚ ਕੜਾਕੇ ਦੀ ਠੰਢ ਨਾਲ ਨਦੀਆਂ ਅਤੇ ਨਾਲੇ ਜੰਮ ਗਏ ਅਤੇ ਗੰਗੋਤਰੀ ਵਿੱਚ ਤਾਪਮਾਨ -22 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।
ਹਰਿਦੁਆਰ, ਊਧਮ ਸਿੰਘ ਨਗਰ, ਨੈਨੀਤਾਲ, ਚੰਪਾਵਤ, ਪੌੜੀ ਅਤੇ ਦੇਹਰਾਦੂਨ ਦੇ ਹੇਠਲੇ ਇਲਾਕਿਆਂ ਨੂੰ ਵੀ ਧੁੰਦ ਨੇ ਆਪਣੀ ਲਪੇਟ ਵਿਚ ਲਿਆ ਹੋਇਆ ਹੈ। ਸੈਲਾਨੀ ਦੇਰ ਸ਼ਾਮ ਪਿਥੌਰਾਗੜ੍ਹ ਵਿੱਚ ਬਰਫ਼ਬਾਰੀ ਦੀ ਵੀਡੀਓ ਬਣਾਉਂਦੇ ਦੇਖੇ ਗਏ।
ਦੇਹਰਾਦੂਨ ਮੌਸਮ ਵਿਭਾਗ ਅਨੁਸਾਰ ਹਰਿਦੁਆਰ, ਊਧਮ ਸਿੰਘ ਨਗਰ, ਨੈਨੀਤਾਲ, ਚੰਪਾਵਤ, ਪੌੜੀ ਅਤੇ ਦੇਹਰਾਦੂਨ ਦੇ ਮੈਦਾਨੀ ਇਲਾਕਿਆਂ ਵਿਚ ਕੁਝ ਥਾਵਾਂ ‘ਤੇ ਠੰਢੇ ਦਿਨ ਦੀ ਸੰਭਾਵਨਾ ਹੈ।
ਉਤਰਾਕਸ਼ਸ਼ੀ ਦੇ ਗੰਗੋਤਰੀ ਖੇਤਰ ਵਿੱਚ ਭਾਗੀਰਥੀ ਨਦੀ ਜੰਮ ਗਈ ਕਿਉਂਕਿ ਘੱਟੋ-ਘੱਟ ਤਾਪਮਾਨ ਮਨਫ਼ੀ 22 ਡਿਗਰੀ ਤੱਕ ਪਹੁੰਚ ਗਿਆ, ਜਿਸ ਕਾਰਨ ਗੰਗੋਤਰੀ ਨੈਸ਼ਨਲ ਪਾਰਕ ਟੀਮ ਨੂੰ ਗਸ਼ਤ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।ਇਸ ਤੋਂ ਇਲਾਵਾ ਕੇਦਾਰ ਗੰਗਾ, ਰਿਸ਼ੀਕੁਰ ਨਾਲਾ, ਪਾਗਲ ਨਾਲਾ, ਚਿਦਬਾਸਾ ਨਾਲਾ ਵੀ ਪੂਰੀ ਤਰ੍ਹਾਂ ਜੰਮ ਚੁੱਕੇ ਹਨ।
Read More : ਐੱਮ.ਪੀ. ਕੰਗ ਤੇ ਵਿਧਾਇਕ ਕੁਲਵੰਤ ਸਿੰਘ ਵੱਲੋਂ ਪਿੰਡਾਂ ‘ਚ ਜਿੰਮ, ਸੌਲਰ ਲਾਈਟਾਂ ਤੇ ਬੈਂਚ ਦਾ ਉਦਘਾਟਨ