ਨਵੀਂ ਦਿੱਲੀ, 3 ਜਨਵਰੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਭਗਵਾਨ ਬੁੱਧ ਦਾ ਗਿਆਨ ਅਤੇ ਉਨ੍ਹਾਂ ਦਾ ਦਿਖਾਇਆ ਮਾਰਗ ਪੂਰੀ ਮਨੁੱਖਤਾ ਲਈ ਹੈ ਅਤੇ ਬੁੱਧ ਦੀਆਂ ਪਵਿੱਤਰ ਸਮੱਗਰੀਆਂ ਸਿਰਫ਼ ਸਮੱਗਰੀਆਂ ਨਹੀਂ ਹਨ, ਸਗੋਂ ਭਾਰਤ ਦੀ ਸਤਿਕਾਰਯੋਗ ਵਿਰਾਸਤ ਦਾ ਇਕ ਅਟੁੱਟ ਹਿੱਸਾ ਹਨ।
ਸਾਲ 1898 ’ਚ ਮਿਲੀਆਂ ਪਵਿੱਤਰ ਪਿਪਰਹਵਾ ਸਮੱਗਰੀਆਂ ਦੀ ਸ਼ਾਨਦਾਰ ਅੰਤਰਰਾਸ਼ਟਰੀ ਪ੍ਰਦਰਸ਼ਨੀ ਦਾ ਉਦਘਾਟਨ ਕਰਦੇ ਹੋਏ ਮੋਦੀ ਨੇ ਕਿਹਾ ਕਿ ਭਗਵਾਨ ਬੁੱਧ ਸਭ ਦੇ ਹਨ ਅਤੇ ਸਾਰੇ ਲੋਕਾਂ ਨੂੰ ਇਕਜੁੱਟ ਕਰਦੇ ਹਨ। ਉਨ੍ਹਾਂ ਨੇ ਬੋਧੀ ਵਿਦਵਾਨਾਂ, ਰਾਜਦੂਤਾਂ ਅਤੇ ਹੋਰ ਮਹਿਮਾਨਾਂ ਦੀ ਮੌਜੂਦਗੀ ’ਚ ਕਿਹਾ ਕਿ “125 ਸਾਲ ਉਡੀਕ ਕਰਨ ਤੋਂ ਬਾਅਦ ਭਾਰਤ ਦੀ ਵਿਰਾਸਤ ਵਾਪਸ ਆ ਗਈ ਹੈ।’’ ਉਨ੍ਹਾਂ ਕਿਹਾ ਕਿ ਭਗਵਾਨ ਬੁੱਧ ਦਾ ਗਿਆਨ ਅਤੇ ਉਨ੍ਹਾਂ ਦਾ ਦਿਖਾਇਆ ਮਾਰਗ ਪੂਰੀ ਮਨੁੱਖਤਾ ਲਈ ਹੈ।
ਮੋਦੀ ਨੇ ਬੁੱਧ ਦੀਆਂ ਪਵਿੱਤਰ ਸਮੱਗਰੀਆਂ ਦੀ ਉਨ੍ਹਾਂ ਦੀ ਮਾਤਭੂਮੀ ’ਤੇ ਵਾਪਸੀ ਯਕੀਨੀ ਬਣਾਉਣ ਲਈ ਗੋਦਰੇਜ ਸਮੂਹ ਦਾ ਧੰਨਵਾਦ ਕੀਤਾ। ਪਿਪਰਹਵਾ ਸਮੱਗਰੀਆਂ ਦਾ ਬੁੱਧ ਧਰਮ ਦੇ ਸ਼ੁਰੂਆਤੀ ਪੁਰਾਤੱਤਵ ਅਧਿਐਨ ’ਚ ਇਕ ਖ਼ਾਸ ਸਥਾਨ ਹੈ।
Read More : ਇੰਡੋਨੇਸ਼ੀਆ ’ਚ ਪੰਜਾਬੀ ਨੌਜਵਾਨ ਦੀ ਮੌਤ