ਕਿੱਟੀ ਪਾਰਟੀ ਦੇ ਬਹਾਨੇ ਚਲ ਰਿਹਾ ਸੀ ‘ਗੈਰ-ਕਾਨੂੰਨੀ ਧੰਦਾ’
ਬਠਿੰਡਾ, 1 ਦਸੰਬਰ : ਗੋਨਿਆਣਾ ਰੋਡ ’ਤੇ ਸਥਿਤ ਇਕ ਹੋਟਲ ਵਿਚ ਬੀਤੀ ਰਾਤ ਉਸ ਵੇਲੇ ਹੜਕੰਪ ਮਚ ਗਿਆ, ਜਦੋਂ ਥਾਣਾ ਕੋਤਵਾਲੀ ਦੀ ਪੁਲਸ ਨੇ ਅਚਾਨਕ ਰੇਡ ਕਰ ਦਿੱਤੀ। ਕਿੱਟੀ ਪਾਰਟੀ ਦੇ ਨਾਂ ’ਤੇ ਚੱਲ ਰਹੇ ਕਥਿਤ ਗੈਰ‘ਕਾਨੂੰਨੀ ਧੰਦੇ ਦਾ ਭਾਂਡਾ ਭੰਨਦਿਆਂ ਪੁਲਸ ਨੇ ਹੋਟਲ ਮਾਲਕ ਪੰਕਜ ਸਮੇਤ 9 ਲੋਕਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਕੁਝ ਨੌਜਵਾਨਾਂ ਨੂੰ ਹਿਰਾਸਤ ਵਿਚ ਵੀ ਲਿਆ ਗਿਆ, ਜਦੋਂਕਿ ਮੌਜੂਦ ਕੁੜੀਆਂ ਨੂੰ ਚਿਤਾਵਨੀ ਦੇ ਕੇ ਛੱਡ ਦਿੱਤਾ ਗਿਆ।
ਬਾਹਰੋਂ ਬੁਲਾਈਆਂ ਬਾਰ ਡਾਂਸਰਾਂ ਰਾਹੀਂ ਕਰਵਾਇਆ ਜਾ ਰਿਹਾ ਸੀ ਗਲਤ ਕੰਮ
ਐੱਸ.ਪੀ. ਸਿਟੀ ਨਰਿੰਦਰ ਸਿੰਘ ਨੇ ਦੱਸਿਆ ਕਿ ਪੁਲਸ ਨੂੰ ਗੁਪਤ ਸੂਚਨਾ ਪ੍ਰਾਪਤ ਹੋਈ ਸੀ ਕਿ ਹੋਟਲ ਵਿਚ ਕਿੱਟੀ ਪਾਰਟੀ ਦਾ ਨਾਂ ਲੈ ਕੇ ਬਾਹਰੋਂ ਬਾਰ ਡਾਂਸਰ ਬੁਲਾਏ ਜਾ ਰਹੇ ਹਨ ਤੇ ਉਨ੍ਹਾਂ ਰਾਹੀਂ ਗਲਤ ਧੰਦਾ ਚਲਾਇਆ ਜਾ ਰਿਹਾ ਹੈ। ਜਿਵੇਂ ਹੀ ਸੂਚਨਾ ਦੀ ਪੁਸ਼ਟੀ ਹੋਈ ਪੁਲਸ ਟੀਮ ਨੇ ਰੇਡ ਮਾਰ ਕੇ ਹੋਟਲ ਮਾਲਕ ਸਮੇਤ ਕਈ ਲੋਕਾਂ ਨੂੰ ਕਾਬੂ ਕਰ ਲਿਆ।
ਐੱਸ.ਪੀ. ਸਿਟੀ ਮੁਤਾਬਕ ਲਗਭਗ 10 ਲੋਕਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ ਤੇ ਹੋਟਲ ਮਾਲਕ ਪੰਕਜ ਦੇ ਭਰਾ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਰੇਡ ਦੀ ਖ਼ਬਰ ਫੈਲਦਿਆਂ ਹੀ ਸ਼ਹਿਰ ਵਿਚ ਚਰਚਾ ਦਾ ਵਿਸ਼ਾ ਬਣ ਗਿਆ।
Read More : ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਅਮਿਤ ਸ਼ਾਹ ਨੂੰ ਲਿਖੀ ਚਿੱਠੀ