ਇਲਾਕੇ ਵਿਚ ਦਹਿਸ਼ਤ ਦਾ ਮਾਹੌਲ
ਸੁਲਤਾਨਪੁਰ ਲੋਧੀ, 26 ਅਗਸਤ : ਅੱਜ ਜ਼ਿਲਾ ਕਪੂਰਥਲਾ ਵਿਚ ਸੁਲਤਾਨਪੁਰ ਲੋਧੀ ਦੇ ਅਧੀਨ ਆਉਂਦੇ ਮੰਡ ਖੇਤਰ ਦੇ ਆਹਲੀ ਕਲਾਂ ਪਿੰਡ ਨਜ਼ਦੀਕ ਆਰਜੀ ਬੰਨ੍ਹ ਟੁੱਟ ਗਿਆ, ਜੋ ਕਿ ਪਿਛਲੇ 20 ਦਿਨ ਤੋਂ ਦਰਿਆ ਬਿਆਸ ਦੀ ਲਗਾਤਾਰ ਢਾਅ ਲੱਗਣ ਕਾਰਨ ਖਤਰਨਾਕ ਸਥਿਤੀ ਵਿਚ ਬਣਿਆ ਹੋਇਆ ਸੀ। ਸਮੁੱਚੇ ਇਲਾਕੇ ਵਿਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਅਤੇ ਲੋਕ ਆਪਣੇ ਟਰੈਕਟਰ ਟਰਾਲੀਆਂ ਤੇ ਹੋਰ ਸਮਾਨ ਕੱਢਣ ਲੱਗੇ।
ਇਸ ਆਹਲੀ ਵਾਲੇ ਆਰਜੀ ਬੰਨ੍ਹ ਦੇ ਟੁੱਟਣ ਨਾਲ ਹਲਕੇ ਦੇ ਤਕਰੀਬਨ 5000 ਏਕੜ ਝੋਨੇ ਦੀ ਫਸਲ ਤਬਾਹ ਹੋ ਜਾਵੇਗੀ ਅਤੇ ਇਹ ਪਾਣੀ ਬਿਆਸ ਦਰਿਆ ਦੇ ਧੁੱਸੀ ਬੰਨ ਨਾਲ ਲੱਗਣ ਤੇ ਖਤਰਾ ਪੈਦਾ ਕਰੇਗਾ।
ਇਸ ਬੰਨ੍ਹ ਨੂੰ ਬਚਾਉਣ ਲਈ ਸਮੁੱਚੇ ਇਲਾਕੇ ਦੇ ਕਿਸਾਨ ਪਿਛਲੇ ਤਕਰੀਬਨ 20 ਦਿਨ ਤੋਂ ਲਗਾਤਾਰ ਦਿਨ ਰਾਤ ਜੇਸੀਬੀ ਮਸ਼ੀਨਾਂ , ਬੋਰਿਆਂ ਦੇ ਕਰੇਟ ਅਤੇ ਟਰੈਕਟਰ ਟਰਾਲੀਆਂ ਨਾਲ ਮਿੱਟੀ ਪਾਉਣ ਲੱਗੇ ਹੋਏ ਸਨ ਪਰ ਅੱਜ ਦਰਿਆ ਬਿਆਸ ਦੇ ਤੇਜ਼ ਵਹਾਅ ਅੱਗੇ ਬੇਵਸ ਹੋ ਗਏ ਅਤੇ ਵੇਖਦਿਆਂ ਵੇਖਦਿਆਂ ਹੀ ਆਰਜੀ ਬੰਨ ਵਿੱਚ ਵੱਡਾ ਪਾੜ ਪੈ ਗਿਆ।
Read More : ਰਿਸ਼ਵਤ ਮੰਗਣ ਦੇ ਦੋਸ਼ਾਂ ’ਚ ਜੇਲ ਦੇ ਸਹਾਇਕ ਸੁਪਰਡੈਂਟ ਨੂੰ ਸਜ਼ਾ ਅਤੇ ਜੁਰਮਾਨਾ