ਰੋਜ਼ਾਨਾ ਦਿੰਦੀ ਹੈ 25 ਲੀਟਰ ਦੁੱਧ
ਹਰਿਆਣਾ ਦੇ ਨਾਰਨੌਲ ’ਚ ਮੁਰਾਹ ਨਸਲ ਦੀ ਮੱਝ 5.11 ਲੱਖ ਰੁਪਏ ’ਚ ਵਿਕੀ। ਇਹ ਮੱਝ ਰੋਜ਼ਾਨਾ 25 ਲੀਟਰ ਦੁੱਧ ਦਿੰਦੀ ਹੈ।
ਪਿੰਡ ਚਿੰਡਾਲੀਆ ਦੇ ਕਿਸਾਨ ਵਿਕਰਮ ਲਾਂਬਾ ਨੇ ਦੱਸਿਆ ਕਿ ਇਸ ਮੱਝ ਨੂੰ ਉੱਚ ਗੁਣਵੱਤਾ ਵਾਲਾ ਚਾਰਾ ਅਤੇ ਪੌਸ਼ਟਿਕ ਭੋਜਨ ਮੁਹੱਈਆ ਕਰਵਾਇਆ ਜਾਂਦਾ ਹੈ, ਜਿਸ ਨਾਲ ਉਸ ਦੀ ਦੁੱਧ ਦੇਣ ਦੀ ਸਮਰੱਥਾ ’ਚ ਹੋਰ ਵਾਧਾ ਹੋਇਆ। ਜਦੋਂ ਅਨਿਲ ਯਾਦਵ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਸ ਨੇ ਮੱਝ ਖਰੀਦਣ ਦੀ ਇੱਛਾ ਪ੍ਰਗਟਾਈ।
ਵਿਕਰਮ ਲਾਂਬਾ ਨੇ ਦੱਸਿਆ ਕਿ ਉਸ ਦੀ ਮੱਝ ਨੇ ਪਸ਼ੂ ਪਾਲਣ ਵਿਭਾਗ ਵੱਲੋਂ ਕਰਵਾਏ ਗਏ ਵੱਧ ਦੁੱਧ ਦੇਣ ਦੇ ਕਈ ਮੁਕਾਬਲਿਆਂ ਵਿਚ ਜਿੱਤ ਹਾਸਲ ਕੀਤੀ ਹੈ। ਇਸ ਪਛਾਣ ਕਾਰਨ ਨੋਇਡਾ ਦੇ ਪਸ਼ੂ ਪਾਲਕ ਅਨਿਲ ਯਾਦਵ ਨੇ ਮੱਝ ਖਰੀਦਣ ਲਈ ਉਸ ਕੋਲ ਪਹੁੰਚ ਕੀਤੀ। ਅਨਿਲ ਯਾਦਵ ਲਗਾਤਾਰ ਤਿੰਨ ਵਾਰ ਆ ਕੇ ਮੱਝ ਦੇ ਦੁੱਧ ਦੀ ਜਾਂਚ ਕਰ ਚੁੱਕੇ ਹਨ। ਇਸ ’ਚ ਮੱਝ ਸਵੇਰੇ ਅਤੇ ਸ਼ਾਮ ਤਿੰਨੋਂ ਵਾਰ 25 ਤੋਂ 26 ਲੀਟਰ ਦੁੱਧ ਦਿੰਦੀ ਹੈ। ਪਸ਼ੂ ਪਾਲਕਾਂ ਨੇ ਦੁੱਧ ਦੀ ਲਗਾਤਾਰ ਜਾਂਚ ਕਰਨ ਤੋਂ ਬਾਅਦ ਹੀ ਮੱਝ ਦੀ ਇੰਨੀ ਕੀਮਤ ਵਸੂਲੀ।
ਵਿਕਰਮ ਸਿੰਘ ਨੇ ਦੱਸਿਆ ਕਿ ਉਹ ਇਕ ਸਾਧਾਰਨ ਕਿਸਾਨ ਹੈ। ਉਸ ਨੇ ਮੱਝ ਨੂੰ ਦੁੱਧ ਲਈ ਹੀ ਰੱਖਿਆ ਸੀ। ਮੱਝ ਆਲੇ-ਦੁਆਲੇ ਦੇ ਪਿੰਡਾਂ ਵਿਚ ਮਸ਼ਹੂਰ ਸੀ। ਇਸ ਲਈ ਉਹ ਹਮੇਸ਼ਾ ਮੱਝ ਦੇ ਚੋਰੀ ਹੋਣ ਜਾਂ ਕਿਸੇ ਬਿਮਾਰੀ ਤੋਂ ਪੀੜਤ ਹੋਣ ਦਾ ਡਰ ਰਹਿੰਦਾ ਸੀ। ਉਹ ਮੱਝ ਵੇਚਣਾ ਨਹੀਂ ਚਾਹੁੰਦਾ ਸੀ ਪਰ ਇਸ ਡਰ ਕਾਰਨ ਉਸ ਨੇ ਮੱਝ ਵੇਚ ਦਿੱਤੀ।