ਫਿਰੋਜ਼ਪੁਰ : ਸੀਮਾ ਸੁਰੱਖਿਆ ਬਲ (ਬੀ. ਐੱਸ. ਐੱਫ.) ਨੇ ਫਿਰੋਜ਼ਪੁਰ ਜ਼ਿਲ੍ਹੇ ਦੇ ਸਰਹੱਦੀ ਖੇਤਰ ’ਚ ਇਕ ਭਾਰਤੀ ਨਾਰਕੋ-ਸਮੱਗਲਰ ਨੂੰ ਵੱਡੀ ਮਾਤਰਾ ਵਿਚ ਹੈਰੋਇਨ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ।
ਬੀ. ਐੱਸ. ਐੱਫ. ਇੰਟੈਲੀਜੈਂਸ ਵਿੰਗ ਦੀ ਭਰੋਸੇਯੋਗ ਖੁਫੀਆ ਜਾਣਕਾਰੀ ‘ਤੇ ਕਾਰਵਾਈ ਕਰਦੇ ਹੋਏ ਬੀ. ਐੱਸ. ਐੱਫ. ਦੇ ਜਵਾਨਾਂ ਨੇ ਤੇਜ਼ੀ ਨਾਲ ਇਕ ਤਲਾਸ਼ੀ ਮੁਹਿੰਮ ਸ਼ੁਰੂ ਕੀਤੀ। ਬੀਤੀ ਰਾਤ ਲਗਭਗ 11:50 ਵਜੇ, ਇਕ ਭਾਰਤੀ ਨਾਰਕੋ-ਸਮੱਗਲਰ ਨੂੰ ਸ਼ੱਕੀ ਹੈਰੋਇਨ ਦੇ 05 ਪੈਕੇਟ (ਕੁੱਲ ਵਜ਼ਨ-2.670 ਕਿਲੋਗ੍ਰਾਮ) ਸਮੇਤ ਗ੍ਰਿਫ਼ਤਾਰ ਕਰਨ ਵਿੱਚ ਸਫਲਤਾ ਪ੍ਰਾਪਤ ਕੀਤੀ ਹੈ। ਬਰਾਮਦ ਕੀਤੇ ਗਏ ਪੈਕੇਟ ਪੀਲੇ ਚਿਪਕਣ ਵਾਲੇ ਟੇਪ ’ਚ ਲਪੇਟੇ ਹੋਏ ਸਨ ਅਤੇ ਹਰੇਕ ਪੈਕੇਟ ਨਾਲ ਰੋਸ਼ਨੀ ਵਾਲੀਆਂ ਪੱਟੀਆਂ ਵਾਲੇ ਨਾਈਲੋਨ ਦੇ ਧਾਗੇ ਮਿਲੇ ਸਨ।
ਇਹ ਕਾਰਵਾਈ ਜ਼ਿਲ੍ਹਾ ਫਿਰੋਜ਼ਪੁਰ ਦੇ ਪਿੰਡ ਲੱਖਾ ਸਿੰਘ ਵਾਲਾ ਦੇ ਨੇੜੇ ਦੇ ਖੇਤਰ ਵਿਚ ਕੀਤੀ ਗਈ। ਫੜਿਆ ਗਿਆ ਸਮੱਗਲਰ ਜ਼ਿਲ੍ਹਾ ਫਿਰੋਜ਼ਪੁਰ ਦੇ ਪਿੰਡ ਬੇਹਦੀ ਦਾ ਰਹਿਣ ਵਾਲਾ ਹੈ। ਜਿਸ ਨੂੰ ਪਾਕਿਸਤਾਨ-ਅਧਾਰਿਤ ਨਾਰਕੋ-ਸਮੱਗਲਿੰਗ ਨੈੱਟਵਰਕ ਅਤੇ ਸਥਾਨਕ ਸਾਥੀਆਂ ਨਾਲ ਉਸਦੇ ਸਬੰਧਾਂ ਦਾ ਖੁਲਾਸਾ ਕਰਨ ਲਈ ਹੋਰ ਪੁੱਛਗਿੱਛ ਲਈ ਸਥਾਨਕ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ।