ਸਰਪੰਚ ਅਤੇ ਆਟੋ ਚਾਲਕ ਖ਼ਿਲਾਫ਼ ਮਾਮਲ ਦਰਜ
ਚਮਕੌਰ ਸਾਹਿਬ ਹਲਕੇ ਅਧੀਨ ਆਉਂਦੇ ਇਕ ਪਿੰਡ ਦੇ ਸਰਪੰਚ ਨੇ ਇਕ ਨਾਬਾਲਿਗ ਲੜਕੀ ਨੂੰ ਆਪਣੀ ਹਵਸ਼ ਦਾ ਸ਼ਿਕਾਰ ਬਣਾਇਆ।
ਸਟੇਸ਼ਨ ਹਾਊਸ ਅਫ਼ਸਰ ਰੋਹਿਤ ਸ਼ਰਮਾ ਨੇ ਦੱਸਿਆ ਕਿ ਇਸ ਸਬੰਧੀ ਪੀੜਤ ਲੜਕੀ ਨੇ ਪੁਲਿਸ ਕੋਲ ਆਪਣਾ ਬਿਆਨ ਦਰਜ ਕਰਵਾਉਂਦੇ ਕਿਹਾ ਕਿ ਉਹ 11ਵੀਂ ਜਮਾਤ ਦੀ ਵਿਦਿਆਰਥਣ ਹੈ ਅਤੇ ਰੋਜ਼ਾਨਾ ਆਟੋ ਰਾਹੀਂ ਆਪਣੇ ਸਕੂਲ ਜਾਂਦੀ ਹੈ, ਜਿਸਦਾ ਡਰਾਈਵਰ ਉਸੇ ਪਿੰਡ ਦਾ ਰਹਿਣ ਵਾਲਾ ਹੈ।
ਆਟੋ ਡਰਾਈਵਰ ਨੇ ਮੈਨੂੰ ਆਪਣੇ ਫ਼ੋਨ ਰਾਹੀਂ ਪਿੰਡ ਦੇ ਸਰਪੰਚ ਨਾਲ ਗੱਲ ਕਰਵਾਈ, ਜਿਸ ‘ਤੇ ਉਸਨੇ ਪੁੱਛਿਆ ਕਿ ਤੁਸੀਂ ਸਾਰੀਆਂ ਕੁੜੀਆਂ ਮਹਿਫਲ-ਏ-ਪੰਜਾਬ ਢਾਬੇ ‘ਤੇ ਪਾਰਟੀ ਕਰਨ ਕਦੋਂ ਆਉਗੇ ਅਤੇ ਬਾਅਦ ਵਿਚ ਸਰਪੰਚ ਨੇ ਮੈਨੂੰ ਇਕੱਲੇ ਆਉਣ ਲਈ ਕਿਹਾ, ਜਿਸ ਤੋਂ ਮੈਂ ਇਨਕਾਰ ਕਰ ਦਿੱਤਾ। ਡਰਾਈਵਰ ਨੇ ਮੈਨੂੰ ਕਈ ਵਾਰ ਸਰਪੰਚ ਨਾਲ ਫ਼ੋਨ ‘ਤੇ ਗੱਲ ਕਰਵਾਈ ਅਤੇ ਉਹ ਮੈਨੂੰ ਧਮਕੀਆਂ ਦਿੰਦਾ ਰਿਹਾ ਕਿ ਜੇਕਰ ਤੂੰ ਨਹੀਂ ਆਈ ਤਾਂ ਮੈਂ ਤੈਨੂੰ ਅਤੇ ਤੇਰੇ ਪਰਿਵਾਰ ਨੂੰ ਮਾਰ ਦਿਆਂਗਾ।
ਮੈਂ ਉਸ ਦਿਨ ਡਰ ਗਈ ਸੀ ਅਤੇ ਸਰਪੰਚ ਨੂੰ ਕਿਹਾ ਕਿ ਉਹ ਆਪਣੀ ਸਹੇਲੀ ਨਾਲ ਆਵੇਗੀ। ਮੇਰਾ ਦੋਸਤ ਮੇਰੇ ਨਾਲ ਆਟੋ ਵਿਚ ਬੈਠ ਗਿਆ ਅਤੇ ਇਕ ਢਾਬੇ ‘ਤੇ ਗਿਆ, ਜਿੱਥੇ ਅਸੀਂ ਕੌਫੀ ਪੀਤੀ। ਅਸੀਂ 10-15 ਮਿੰਟ ਇੰਤਜ਼ਾਰ ਕੀਤਾ, ਫਿਰ ਸਰਪੰਚ ਨੇ ਆਟੋ ਡਰਾਈਵਰ ਨੂੰ ਸਾਨੂੰ ਭੋਜੇਮਾਜਰਾ ਪੁਲ ਦੇ ਕੋਲ ਛੱਡਣ ਲਈ ਕਿਹਾ, ਜਿਥੇ ਸਰਪੰਚ ਆਪਣੀ ਗੱਡੀ ਲੈ ਕੇ ਖੜ੍ਹਾ ਸੀ ਅਤੇ ਸਾਨੂੰ ਦੋਵਾਂ ਨੂੰ ਸਮਰਾਲਾ ਵਾਲੇ ਪਾਸੇ ਇਕ ਹੋਟਲ ਵਿਚ ਲੈ ਗਿਆ, ਜੋ ਉਸਦੇ ਦੋਸਤ ਦਾ ਸੀ।
ਮੇਰਾ ਦੋਸਤ ਕਾਰ ਵਿਚ ਹੀ ਬੈਠਾ ਰਿਹਾ ਅਤੇ ਸਰਪੰਚ ਮੈਨੂੰ ਇਕ ਹੋਟਲ ਦੇ ਕਮਰੇ ਵਿਚ ਲੈ ਗਿਆ। ਉਸਨੇ ਮੇਰੀ ਸਹਿਮਤੀ ਤੋਂ ਬਿਨਾਂ ਮੇਰੇ ਨਾਲ ਦੋ ਵਾਰ ਜਬਰ-ਜ਼ਨਾਹ ਕੀਤਾ। ਮੈਂ ਆਪਣੇ ਪਿਤਾ ਨੂੰ ਸਾਰੀ ਘਟਨਾ ਦੱਸੀ ਅਤੇ ਅਸੀਂ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ। ਪੁਲਿਸ ਨੇ ਸਰਪੰਚ ਅਤੇ ਆਟੋ ਚਾਲਕ ਖ਼ਿਲਾਫ਼ ਪੋਕਸੋ ਐਕਟ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।