ਪਿਟਬੁੱਲ ਨੇ ਆਪਣੀ ਮਾਲਕਣ ’ਤੇ ਕੀਤਾ ਹਮਲਾ

ਸਰੀਰ ਦੇ ਕਈ ਥਾਵਾਂ ’ਤੇ ਕੱਟਿਆ

ਜਲੰਧਰ ’ਚ ਪਿਟਬੁੱਲ ਕੁੱਤੇ ਨੇ ਆਪਣੇ ਮਾਲਕਣ ’ਤੇ ਹਮਲਾ ਕਰ ਦਿੱਤਾ। ਪਿਟਬੁੱਲ ਕਰੀਬ 20 ਮਿੰਟ ਤੱਕ ਆਪਣੀ ਮਾਲਕਣ ਨੂੰ ਵੰਡਦਾ ਰਿਹਾ। ਔਰਤ ਦੇ ਹੱਥਾਂ, ਲੱਤਾਂ ਅਤੇ ਸਰੀਰ ਦੇ ਹੋਰ ਕਈ ਹਿੱਸਿਆਂ ’ਤੇ ਸੱਟਾਂ ਦੇ ਨਿਸ਼ਾਨ ਹਨ। ਇਸ ਦੌਰਾਨ ਔਰਤ ਦੇ 8-9 ਸਾਲ ਦੇ ਬੇਟੇ ਨੇ ਹਿੰਮਤ ਦਿਖਾਉਂਦੇ ਹੋਏ ਕੁੱਤੇ ਦੇ ਮੂੰਹ ’ਚ ਰੱਸੀ ਪਾ ਕੇ ਉਸ ਨੂੰ ਬਾਹਰ ਧੱਕਾ ਦਿੱਤਾ। ਇਸ ਨਾਲ ਔਰਤ ਦੀ ਜਾਨ ਬਚ ਗਈ।
ਪੁਲਿਸ ਹਾਦਸੇ ਦੀ ਜਾਂਚ ਕਰ ਰਹੀ ਹੈ। ਜਲੰਧਰ ਦੇ 66 ਫੁੱਟ ਰੋਡ ’ਤੇ ਫੋਲਦੀਵਾਲ ਦੇ ਨਾਲ ਲੱਗਦੀ ਗ੍ਰੀਨ ਵੈਲੀ ਕਾਲੋਨੀ ’ਚ ਰਹਿਣ ਵਾਲੀ ਕੰਵਲਜੀਤ ਕੌਰ (35) ਆਪਣੇ ਪਿਟਬੁੱਲ ਕੁੱਤੇ ਨੂੰ ਘਰ ਦੇ ਅੰਦਰ ਲਿਜਾਣ ਦੀ ਕੋਸ਼ਿਸ਼ ਕਰ ਰਹੀ ਸੀ।
ਇਸ ਦੌਰਾਨ ਕੁੱਤੇ ਨੇ ਉਸ ’ਤੇ ਹਮਲਾ ਕਰ ਦਿੱਤਾ। ਕੁੱਤਾ ਕਰੀਬ ਅੱਧੇ ਘੰਟੇ ਤੱਕ ਬੇਕਾਬੂ ਰਿਹਾ ਅਤੇ ਔਰਤ ਦੇ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਨੂੰ ਕੱਟਦਾ ਰਿਹਾ।
ਕੁੱਤੇ ਦੇ ਹਮਲੇ ਦੀ ਸੂਚਨਾ ਮਿਲਣ ’ਤੇ ਪੁਲਿਸ ਚੌਕੀ ਦੀ ਟੀਮ ਮੌਕੇ ’ਤੇ ਪੁੱਜੀ। ਪੁਲਿਸ ਨੇ ਕਾਲੋਨੀ ਦੇ ਲੋਕਾਂ ਨਾਲ ਗੱਲ ਕੀਤੀ ਤਾਂ ਜਾਣਕਾਰੀ ਮਿਲੀ ਕਿ ਪਿਟਬੁੱਲ ਨੇ ਪਹਿਲਾਂ ਵੀ ਲੋਕਾਂ ’ਤੇ ਹਮਲਾ ਕੀਤਾ ਸੀ।